Олунньу 21-22 күнүгэр Сунтаар бастакы нүөмэрдээх орто оскуолатыгар улуустааҕы архитектурнай-художественнай быыстапка-олимпиада буолла. Барыта улуус оскуолаларыттан 80 оҕо кытынна. Бу тэрээһиини Диана Вячеславовна Иванова, политехническэй лицей эбии үөрэхтээһин педагога тэрийэн ыытта. Дьокуускай куораттан ХИФУ тутуу институтун «архитектура» кафедратын ассистена, компьютернай дизайн лабораториятын үлэһитэ Виктор Викторович Семенов кэлэн үлэлэстэ. Быыстапка-олимпиадаҕа Сунтаар бастакы нүөмэрдээх оҕолоро ситиһиилээхтик кытыннылар. Салайааччылара — Тамара Ивановна Степанова, технология, изо учуутала.
Ол курдук, Дарина Молосокова, 9-в кылаас үөрэнээччитэ, уруһуй олимпиадатыгар — 1 миэстэ, архитектурнай композиция олимпиадатыгар — 2 миэстэ; Алина Григорьева, 10-а кыл., архитектурнай композиция олимпиадатыгар — 3 миэстэ;
Сайаана Громова, 5-а кылаас «Стилизация натюрморта» (выставка) — 3 миэстэ, архитектурнай композиция олимпиадатыгар кыра бөлөххө 3 миэстэ; Давид Васильев, 3 кылаас, «Дом-животного» (выставка) — 2 миэстэ;
Санаайа Кириллина, 3 кылаас, «Саха Сирин кыыллара» (выставка) — 2 миэстэ; Вика Игнатьева, 2 кылаас, «Саха Сирин кыыллара» (выставка) — 3 миэстэ.
Кыайыылаахтары эҕэрдэлиибит. Тэрийээччилэргэ учууталлар махталларын тиэрдэллэр.
«Дьулуур» медиакиин, Сунтаар бастакы нүөмэрдээх орто оскуолата.