Ньурба оройуонун Хаҥалас орто оскуолатыгар сылын аайы «Бастыҥ суруксут» диэн куонкурус буолар.
Учууталларбыт бу тэрээһини олунньу ыйга, саха тылын нэдиэлэтигэр, 1-4 кылаас оҕолоругар ыыталлар. Манна үөрэнээччилэр төһө сөпкө уонна үчүгэй буочарынан суруйалларын бэрэбиэркэлииллэр. Саамай үчүгэйдик суруйбут оҕо «Бастыҥ суруксут» аатын ылар. Мин алын сүһүөххэ үөрэнэрбэр куруук маннык ааты ыларым.
Быйылгы куонкуруска: 1 кылаастан 6 оҕо суруйда, бастыҥынан Альфред Кононов ааттанна. 2 кылааска эмиэ 6 оҕо суруйда, бастыҥнарынан Семен Иванов уонна Арылхан Васильев буоллулар. 3 кылааска 14 оҕо суруйда, онтон бастыҥ суруксут Амелия Филиппова буолла.. 4 кылаастарга 7 оҕо суруйда. Саамай суруксуттара — Уйгулаан Васильев.
Дьэ, бу курдук, кыра эрдэхтэн суруксуттуурга үөрэнэр олус үчүгэй.
Эвелина Жданова, «Ыллык» эдкорпост, Ньурба Хаҥалас.