Тохсунньу 13 күнүгэр Сунтаар бастакы нүөмэрдээх орто оскуолатын спортивнай саалатыгар 2009-2010 сыллаах төрүөх оҕолорго мини-футболга аһаҕас турнир буолан ааста. Күүтүүлээх саҥа сыл спортивнай тэрээһинигэр барыта 8 хамаанда кытынна.
Ол курдук, кыттыыны ыллылар: лицей, Сунтаар 1 нүөмэрдээх орто оскуолатыттан икки хамаанда, Бүлүүчээн, Күндэйэ, Сунтаар 2 нүөмэрдээх орто оскуолата, Элгээйи, гимназия хамаандалара.
Эрийсиилээх киирсии түмүгэр бастакы миэстэни — Бүлүүчээн, иккис миэстэни — Күндэйэ, үһүс миэстэни — Сунтаар 2 нүөмэрдээх орто оскуолатын хамаандалара ыллылар.
Кыайыылаах хамаандалар мэтээлинэн уонна грамотанан наҕараадаланнылар.
«Бастыҥ нападающай» — Ариан Аммосов (Бүлүүчээн), «Бастыҥ оонньооччу» — Роман Ощепков (Күндэйэ), «Бастыҥ защитник» — Федор Жирков, «Лучший вратарь» — Дьулус Григорьев (Бүлүүчээн) анал ааттарга тигистилэр.
Сунтаар бастакы нүөмэрдээх орто оскуолатын медиакиинэ.