Гражданскай сэрии дьоруойа Кеша Алексеев аатын сүгэр Хаптаҕай орто оскуолатыгар нуучча тылын уонна литературатын нэдиэлэтэ бэрт сэргэхтик ыытылынна.
Оскуолабытыгар нуучча тылын уонна литературатын нэдиэлэтэ буолан ааста. Нэдиэлэ Александр Гринна ананна. Кылаастарга А. Грин олоҕор, айымньыларыгар аналлаах кылаас чаастара ыытылыннылар. Манна оҕолор А. Грин айымньыларын, олоҕун билистилэр. Ону таһынан оҕолор ааҕыыларын тиэмпэтин, дорҕоонноохтук ааҕыыны бэрибиэркэлээтилэр.
2-11 кылаастарга диэри «Алые паруса» айымньыны ааҕарга сорудах бэриллибитэ. Дорҕоонноохтук ааҕыы күрэҕи оскуола бибилэтиэкэрэ Анна Егоровна Аммосова ыытта. Түмүккэ, кыайыылаах Күннэй Филиппова таҕыста. Призердарынан Илья Николаев (7 кл.), Аня Никифорова (6 кл.). Салгыы брейн-ринг оонньуу бөлөхтөрүнэн А. Грин олоҕун кэрчиктэринэн уонна «Алые паруса» айымньытынан ыытылынна. Кыайыылааҕынан 4 кылаас хамаандата таҕыста, бастыҥ оонньооччу — Максим Готовцев, 2 миэстэ — 2 кылаас, бастыҥ оонньооччу — Нарыйа Васильева, 3 миэстэ — 3 кылаас, бастыҥ оонньооччу аатын Сандаара Стручкова ылла. 5-7 кылаастарга тыҥааһыннаах киирсии түмүгэр 7 кылаас хамаандата — 1 м., бастыҥ оонньооччу — Дарина Неустроева, 2 м. — 6 кылаас, бастыҥ оонньооччу — Аня Никифорова, 3 м. — 5 кылаастар, бастыҥ оонньооччу — Кира Готовцева. 8-11 кылаастарга 1 миэстэни 11 кылаастар ыллылар, бастыҥ оонньооччу — Алена Афанасьева, 2 м. — 10 кылаастар, бастыҥ оонньооччу аатын Арина Терентьева ылла. 3 миэстэни 8 кылаастар ыллылар, бастыҥ оонньооччу — Владиан Назаров, 9 кылаас, бастыҥ оонньооччу аатын Алеша Куличкин ылла.
Нэдиэлэ түмүктүүр тэрээһинэ А.Грин айымньыларынан инсценировка буолла. Манна 6-11 кылаастар кытыннылар. Тэрээһин ыытыллар саалатын киэргэтиитэ муораҕа умайар сардаҥаҕа кыһыл парустаах хараабыл оҥоһуллубута, кырдьык да ол кэми көрдөрөр уонна ол кэм тыыныгар киллэрэр буолла. Күрэх иннинэ ыытааччы нуучча тылын литературатын учуутала Майя Гаврильевна Самсонова күрэх биир тэҥ усулуобуйаҕа барарын туһуттан нүөмэрдэри талларда. Оҕолор айымньыны ааҕан, көстүүмнэнэн, атрибуттанан бэрткэ бэлэмнэммиттэр. Дьүүллүүр сүбэ көстүүмү, тиэмэни арыйыыны, музыканан киэргэтиини, креатизмы, артыыстааһыны уонна бастыҥ эр киһи уонна дьахтар оруолун толоруутун сыаналаата.
Түмүккэ, ахсыстар -1 миэстэ, сэттистэр — 2 миэстэ, 3 миэстэ — 6 кыл. буоллулар. Бастыҥ оруол толорооччу Володя Кузьмин уонна Аина Васильева, тиэкиһи билии — ахсыстар, тиэманы арыйыы — сэттистэр, артыыстааһын — ахсыстар, музыканан киэргэтии — 6 кылаастар таҕыстылар.
Улахан кылаастарга 1 миэстэ — 11 –тэр , 2 миэстэ — 9-тар, 3 миэстэ — 10-тар. Бастыҥ эр киһи оруолун толордо Айтал Дьячковский, дьахтар оруолун бастыҥ толорооччунан Валя Спиридонова ааттанна. Тиэмэни сөпкө арыйдылар — 11-тэр, бастыҥ көстүүм — 9 кылаастар, музыканан киэргэтиигэ — онустар. Нэдиэлэҕэ оскуола оҕолоро бэрт актыыбынайдык кытыннылар уонна субуота күн «Пульс» оҕо хамсааһынын көҕүлээһининэн үөрэнээччилэр кыһыл атрибуттаах кэллилэр.
Бу нуучча тылын литературатын нэдиэлэтиттэн оҕолор А. Грин олоҕун, айымньыларын биллилэр.
Валя Спиридонова, 11 кыл. үөрэнээччитэ, «Кустук» медиакиин, Хаптаҕай орто оскуолата.