Бу үөрэх дьылыгар биһиги кылаас бэйэни салайыныыга киирбиппит. Ол курдук, үлэбитин олус көхтөөхтүк саҕалаатыбыт. Бастаан саҕалыахпыт иннинэ, миниистирдэри уонна президени талбыппыт.
Бастакы тэрээһиммит «Осенняя улыбка» диэн этэ. Ол онно биһиги оҕолорго күрэхтэһии ыыппыппыт. Үс түһүмэхтээх этэ: хоһоон ааҕаллар, эбэтэр, ырыа ыллыыллар, муода, натюрморт. Оҕолорбут олус көхтөөхтүк кыттыбыттара. Тэрээһин кэнниттэн уоттаах-күөстээх биэчэр буолбута.
Иккиһинэн, учууталларга «Игры по станциям» диэн оонньууну толкуйдаан тэрийбиппит. Бары наһаа көхтөөхтүк кыттыбыттара. Станциянан күрэх кэнниттэн өссө «Молекулы» диэн оонньууну оонньообуттара. Учууталларбыт үөрэллэрин, күлэллэрин көрөр, истэр олус үчүгэй этэ. Көрдөөхтүк сынньаннылар диэн эрэнэбин.
Үсүһүнэн, «Вечер дружбы» диэн тэрээһини үөрэнээччилэргэ ыыппыппыт, ол кэннэ өрө көтөҕүллүүлээх биэчэр буолбута.
Онтон самоуправление оҕолоро «Смотри, это — Россия» диэн күрэххэ кытыннылар. Бэйэлэрэ хаартыскаҕа түһэрэн, видеоҕа устан, биэрии оҥордулар.
Мин саныахпар, оскуолаҕа үөрэнэр кэмҥэр хайаан даҕаны оскуола олоҕор кыттыахтааххын. Биһиэхэ саамай умнуллубат кэммитинэн оскуола кэмэ буоллаҕа. Саҥа талыллан үлэлиир оҕолорго ситиһиилэри баҕарабын.
Дая НЕУСТРОЕВА,
Х кылаас үөрэнээччитэ, Кириэс Халдьаайы Ф.М. Охлопков аатынан орто оскуолата,
«Сындыыс» эдкорпост, Томпо.