Саас буолла да Хадаар нэһилиэгин дьоно-сэргэтэ оҕолуун кырдьаҕастын бары мустан, төрүт үгэспитин – куйуурдааһыны өрө тутан Үрүҥ Күөлгэ мустабыт. Былыр-былырыгыттан илдьэ кэлбит дьарыкпыт бүгүн биһигини түмэр. Онон куйуур саха киһитин дьулуурун, тулуурун, айылҕаны кытта ситимин кэрэһилиир улахан тэрээһин буолар.
Хадаар нэһилиэгин күөллэрэ – Үрүҥ Күөл, Быда, Сатаҕай – куйуурдааһыҥҥа бастыҥ миэстэнэн ааттаналлар. Манна өрөспүүбүлүкэбит араас муннуктарыттан дьон-сэргэ түмсэн куйуурдуур. Холобур, быйыл Тааттаттан, Өймөкөөнтөн кэлэн, үөрэн-көтөн куйуурдаан, өбүгэ үгэһин кытта алтыһан бардылар. Онон куйуур Саха сирин улуустарын ситимниир, бииргэ буолууну күүһүрдэр күүстээх.
Бу аҥардас балыктааһын эрэ буолбатах. Оҕолор улахан дьону кытта бииргэ сылдьан, омукпут үгэһин, айылҕа барахсан киһини аһатар-сиэтэр дириҥ сыаннаһын иҥэринэбит.
«Тыый, Хадаарга куйуурдааһын буолар дуо?!» диэн нэһилиэкпит аатын-суолун ааттатар, дьону-сэргэни түмэр тэрээһин буолар. Куйуурдуур күөллэрбит, үгэспит – бу биһиги баайбыт. Үрүҥ Күөлбүт барахсан хас саас аайы куйуурдааччылар саҥаларынан туола турдун. Оттон биһиги айылҕабытын харыстаан, үгэспитин үйэтитэ туруоххайыҥ!
Аристарх ЛУКИН Х кылаас,
С.Д.Флегонтов аатынан Хадаар орто оскуолата, Чурапчы