Олунньу 17-20 күннэригэр Саха Өрөспүүбүлүкэтин Бырабыытыластыбатын 2025 сыллааҕы үлэтин түмүгүн отчуота Мэҥэ Хаҥалас улууһун нэһилиэктэринэн ыытылынна. Олунньу 20 күнүгэр отчуот Майа сэлиэнньэтин олохтоохторугар Дмитрий Федорович Ходулов аатынан норуот аймньытын дьиэтигэр буолан ааста.
Отчуоттуур бөлөх салайааччыта — Саха Өрөспүүбүлүкэтин Экономикаҕа миниистирэ Петр Иванович Попов. Хамыһыыйаҕа ону тэҥэ бааллара: доруобуйа харыстабылын миниистирин солбуйааччыта Надежда Тимофеевна Федорова, тыа хаһаайыстыбатын миниистирин солбуйааччыта Николай Степанович Афанасьев, сыана политикатыгар судаарыстыбаннай кэмитиэт бэрэссэдээтэлэ Николай Владимирович Бочков.
Тэрээһин 2025 сыл устата тус кылааттарын, ситиһиилэрин иһин исписэлиистэри үөрүүлээх быһыыга-майгыга наҕараадалааһынтан саҕаланна.
Көрсүһүү дьиҥ ис хоһоонноох буолла, Майа олохтоохторо өрөспүүбүлүкэ салалтататыгар бэйэлэрин санааларын эттилэр, долгутар боппуруостарын үллэһиннилэр, тустаах дьонтон толору хоруйдары ыллылар, иһиттилэр.
Биhиги, эдэр кэрэспэдьиэннэр, Мэҥэ Хаҥалас улууһун баһылыгын Дмитрий Иванович Тихоновы кытта кэпсэттибит:
Сыллата 1999 сыллаахтан өрөспүүбүлүкэбит салалтата ааспыт сылга туох үлэни-хамнаһы ыыппытын туһунан иһитиннэрии, дьону-сэргэни кытта атах тэпсэн олорон кэпсэтэр үтүө үгэс олохтоммута. 4 күн устата бу отчуот ыытыллан бүгүн түмүктүүр күммүт. Ордук бүгүҥҥү күҥҥэ барыбытын долгутар боппуруостарынан буолаллар: иһэр уу хаачыстыбата, суол-иис боппуруостара, сыана ыарааһына, ыччаттарбыт инникилэрэ уонна тыа сирин инникитэ. Дьон-сэргэ сүрдээх көхтөөхтүк кыттан бу оччуоттар үрдүк таһымҥа ааһан эрэллэр.”
Зиновий Иванович Игнатьев, Мэҥэ Хаҥалас “Ытык” сүбэтин салайааччыта, Майа олохтооҕо:
Биэрбит ыйытыыларым барыта эрэллээх эппиэттэри ылан, үтүө түмүктээх буолбуттарынан үөрэн турабын”, – диэн санаатын үллэстэр.
Сицилии видео-матырыйаалга:
Сандаара Тобонова, Лилиана Слепцова, X «б» кылаас үөрэнээччилэрэ,
В.П. Ларионов аатынан Майа орто оскуолата, “Мэҥэбил” медиа киин