Тохсунньу 19 күнүттэн 26 күнүгэр диэри Мэҥэ Хаҥалас улууһун А. В. Чугунов аатынан Мэлдьэхси орто оскуолатыгар, киэн туттар чулуу киһибит, академик, учуонай, суруйааччы, бэйиэт Афанасий Васильевич Чугунов төрөөбүтэ 88 сылыгар аналлаах нэдиэлэ буолан ааста.
Нэдиэлэбит устата А.В. Чугунов олоҕун, үлэтин сырдатар араас тэрээһиннэр буоллулар.
Тохсунньу 19-23 күннэригэр Мэҥэ Хаҥалас улууһун агро хайысхалаах оскуолаларын I-XI кылааһын үөрэнээччилэригэр уруһуй күрэҕин оскуолабыт Эстетическэй холбоһугун учууталлара иилээн-саҕалаан ыыттылар. А.В. Чугунов аатынан Мэлдьэхси, М.П. Габышев аатынан Балыктаах, Кеша Алексеев аатынан Хаптаҕай орто оскуолаларыттан уопсайа 27 оҕо кыттыыны ылла.
Маны таһынан тохсунньу 19-25 күннэригэр ыытыллыбыт «Саха төрүт аһа» видео-рецепт күрэҕэр I миэстэни VI кылаас үөрэнээччитэ Ярик Петров, II миэстэни IV кылаас үөрэнээччитэ Амелия Степанова, III миэстэни IV кылаас үөрэнээччитэ Лия Павлова ыллылар.
Тохсунньу 21 күнүгэр алын сүһүөх үөрэнээччилэригэр Агро-оонньуу ыытылынна: I миэстэ Баишева Диана, II миэстэ Артахинова Карина, III миэстэ Степанова Амелия хамаандалара буоллулар.
Тохсунньу 22 күнүгэр IX-XI кылаас үөрэнээччилэригэр бизнес бырайыактары көмүскээһиҥҥэ күрэх ыытылынна. Манна I миэстэ IX кылаас коллектива (сал. Степанова И.Е.), II миэстэ X кылаас коллектива (сал. Куприянова М.Д.), III миэстэ XI кылаас коллектива (сал. Баишева Л.К.) буоллуллар.
Тохсунньу 23 күнүгэр V-VIII кылаас үөрэнээччилэригэр «Юный фермер» квест-оонньуу ыытылынна, I миэстэни «Фермеры» хамаанда (хам. Юра Стручков), II миэстэни «Комета» хамаанда (хам. Сайнаара Сокольникова), III миэстэни «Звезды» хамаанда (хам. Юлиана Протопопова) ыллылар.
Нэдиэлэ устата А.В. Чугунов айымньыларын, кинигэлэрин быыстапката оскуолабыт библиотекатыгар турда. Маны таһынан нэдиэлэ устата оскуолабытыгар А.В. Чугунов түмэлигэр сырыттыбыт. Афанасий Васильевич туттубут малын, киниэхэ махтанан биэрбит бэлэхтэрин, араас наҕараадаларын олус интэриэһиргии көрдүбүт, түмэлбит салайааччыта Надежда Карловна Андросова кэпсээнин сэҥээрэн иһиттибит, элбэҕи биллибит-көрдүбүт.
Тохсунньу 26 күнүгэр Арктикатааҕы судаарыстыбаннай агро хайысхалаах университетка Афанасий Васильевич Чугунов олоҕун уонна үлэтин кэпсиир кинигэ күн сирин көрдө. «Афанасий Васильевич Чугунов» диэн кинигэ «Республика бочуоттаах олохтооҕо» сериянан «Айар» кинигэ кыһатыгар бэчээттэнэн таҕыста. Кинигэ Афанасий Васильевич бииргэ үлэлээбит коллегаларын, үөрэппит устудьуоннарын, дьиэ кэргэнин, аймахтарын ахтыыларыгар олоҕуран оҥоһулунна. Кинигэ тахсыыта — Афанасий Васильевич Чугунов үтүмэн үлэтин, олорон ааспыт олоҕун үйэтитии биир түһүмэҕэ. Учуонай үйэтин тухары оҥорбут үлэтэ, чинчийиилэрэ сааһыланан, үөрэх матырыйааллара, эдэр учуонайдар чинчийэр үлэлэригэр тирэх буолар билии быһыытынан салгыы да туһанылла туруохтара.
Нэдиэлэни түмүктүүр үөрүүлээх линейкаҕа нэдиэлэ устата ыытыллыбыт күрэхтэргэ ситиһиилэммит оҕолор, кылаас коллективтара наҕараадаланнылар.
Биһиги Чулуу Чугуунаппытынан, кини аатынан оскуолаҕа үөрэнэрбитинэн киэн туттабыт! Үчүгэй, туйгун үөрэхпитинэн, ситиһиилэрбитинэн кини аатын ааттата туруохпут.
Арылхан Сокольников, IX кылаас,
«Үктэл» медиа киин,
А. В. Чугунов аатынан Мэлдьэхси орто оскуолата,
Мэҥэ Хаҥалас