Алтынньы 24 күнүгэр Майа нэһилиэгэр «Олоҥхо дойдутун талааннара» диэн өрөспүүбүлүкэтээҕи күрэх буолан ааста. Кыттаачы ахсаана 100-тэн тахса. Биһиги оскуолабыт «Дабаан» үҥкүү коллектива (салайааччы Айталина Альбертовна Антонова) үс үҥкүүнэн кыттынна. Кинилэр ортолоругар 14 кыттааччы баар: 2 кылаастан Кристина Алексеева, Розанна Блинова, Мичийэ Давыдова, Алиса Дьячковская, Амина Дьячковская, Вика Иванова; 3-с кылаастан Күндүүнэ Васильева, Нарыйаана Дмитриева, Диана Самсонова, Наина Неустроева, Алеся Соловьева; 4-с кылаастан: Айсаана Алексеева, Сандаара Давыдова, Милана Григорьева.
Түмүккэ «Кыһыны көрсүү», «Однажды в сказке» үҥкүүлэрбит II, «Танцуют все» үҥкүүбүт III степеннээх лауреат буоллулар. .
Үҥкүүһүт оҕолорбут быйылгы үбүлүөйдээх үөрэх дьылын ситиһиилээх саҕалаабыттарынан эҕэрдэлиибит! Инникитин өссө саҥа ситиһиилэр кэлэ турдуннар!
Василена ДМИТРИЕВА, ХI кылаас, «Кустук” медиа-студия,
Кеша Алексеев аатынан Хаптаҕай орто оскуолата, Мэҥэ Хаҥалас