Биһиги оскуолабыт 5-11 кылааһын үөрэнээччилэрэ учууталларбытын кытта «Уолба» ТХПК бурдук бааһынатын ыраастааһыҥҥа көмөҕө сырыттыбыт.
https://max.ru/join/mwQKTzgOgUx0GKAQGHHcKysb432FtcAWEYH5AUZQ79U
Уонча сыл туттуллубатах бурдук бааһыната талаҕынан үүнэн хаалбытын тиэрэн, быйыл бурдук ыспыттар.
Комбайн үлэлииригэр талах быстаҕастара мэһэйдииллэр эбит. Ол иһин талахтарын ыраастаатыбыт. Икки күн устата бааһынаҕа үлэлээтибит. Хаһан да көрбөтөх бурдук үлэтин кытта билистибит, күһүҥҥү айылҕаҕа дуоһуйа сырыттыбыт.
«Уолба» ТХПК бэрэссэдээтэлэ Семен Николаевич Андросов олус махтанна, минньигэс аһынан күндүлээтэ. Куораттан учуонайдар ханнык бурдугу хайдах үүннэриэххэ сөбүй диэн үөрэтэ кэлбит этилэр.
Үксүбүт бааһына диэни саҥа көрбүт дьон үлэттэн уонна доҕотторбутун кытта бииргэ алтыһан олус астынныбыт.
Алена ТАППЫРОВА, VIII кылаас,
В.И. Ленин аатынан Уолба орто оскуолата, Таатта