Анастасия Морозова Хакасия өрөспүүбүлүкэтин Саяногорск куоратыттан сылдьар. «Азия оҕолоро» оонньууларга кыргыттарга волейболга Сибиирдээҕи Федеральнай уокурук хамаандатыгар оонньоото.
Кыргыттар волейболлара уолаттардааҕар уратыта элбэх. Ол туһунан кини маннык этэр:
– Мин санаабар, кыргыттар волейболлара быдан элбэх тактикалаах. Онтон уолаттар күүстээхтэр, онон кылгас бириэмэ икки ардыгар оонньууллар, – диэн кини этэр.
– Волейболунан дьарыктанарга саамай сүрүнэ тренер тылын истии. Кинилэр эһиэхэ куһаҕаны баҕаран туран мөхпөттөр. Төттөрүтүн сайдаргытыгар туһалаах буоллун, үчүгэйдик өйдөөтүн диэн этэллэр. Хас биирдии тренергэ үчүгэй, күүс өттүнэн сайдыылаах оҕону иитэн таһаарыы бастакынан турар, – диэн Сибиир кыыһа санаатын үллэһиннэ.
Вадим КОЛЕСОВ, Х кылаас, Хайахсыт, Чурапчы,
«Азия оҕолоро» пресс-киин юнкора