Бүгүн, от ыйын ыйын 2 күнүгэр, буулдьанан ытыыга хамаандалар икки ардыларыгар пистэлиэткэ уонна бинтиэпкэҕэ финальнай киирсии буолла. Пистэлиэтинэн ытыыга бронза мэтээли Саха сирин бастакы №-дээх хамаандата уонна Дальний Восток уокуруга былдьаспыттара. Саха Сирин бастакы №-дээх хамаандатын оҕолоро күүстээхтик дьарыктанан, үһүс миэстэҕэ тигистилэр.
Кыһыл көмүс мэтээли ылар иһин Москуба куорат уонна Сибиирскэй Федеральнай уокурук кииристилэр. Москуба куорат Сибиирскэй Федеральнай уокуругу ырааҕынан ситэн, кыһыл көмүс мэтээли ыларга ситистилэр. Онтон Сибиирскэй Федеральнай уокурук үрүҥ көмүс мэтээли ылла.
Винтовканан ытыыга ыалдьааччыларга да, крэхтэһээччилэргэ да, тренердэргэ да улахан долгутуулаах тугэн турар этэ. Боруонса мэтээли Саха сирин иккис №-дээх хамаандата уонна Сибиирскэй Федеральнай уокурук утары турдулар. Бу киирсиигэ Сибиирскэй Федеральнай уокурук кыайда.
Кыһыл көмүс мэтээли ылыыга эмиэ күүстээх уонна тыҥааһыннаах киирсии буолла. Уральскай Федеральнай уокурук уонна Саха Сирин бастакы №-дээх хамаандатын кытта кииристэ. Саха сирин хамаандатын оҕолоро хотторон иһэн, 10:16 очукуонан кыһыл көмүс мэтээли ыллылар.
Бу тренердэрга эмиэ олус улахан ситиһии буолар. Салҕыы Саха Сирин хамаандата бэһис чыыһылаҕа Муоскуба куоракка күрэхтэһэ көтөллөр эбит. Буулдьанан ытыы чуумпу успуорт көрүҥэ буолбатах эбит. Ыалдьааччылар бэйэлэрин дьонноругар хаһыытаан-ыһыытаан биэрдилэр, тыас-уус таһаардылар. Саха сирин хамаандаларыттан өссө да уһулуччу көрдөрүүлэри күүтэбит!
Лилиана ПОПОВА,
VIII норуоттар икки ардыларынааҕы «Азия оҕолоро»
спортивнай оонньууларын пресс-киинин эдкора
Дарина Басыгысова VIII норуоттар
икки ардыларынааҕы «Азия оҕолоро» спортивнай оонньууларын
пресс-киинин эдкора хаартыскаҕа түһэриилэрэ