Бүгүн, кулун тутар 28 күнүгэр, Чурапчы улууһун «Спортивные Якутяне» үөрэнээччилэр спартакиадаларыгар 14-15 саастаах оҕолорго волейбол өрөспүүбүлүкэтээҕи сүүмэрдиир күрэх саҕаланна.
Мандаатнай хамыыһыйа эппиэтинэстээх үлэтигэр түһүннэ. Бу чааска Нерюнгриттан, Амматтан, Бүлүүттэн, Уус Алдантан, Дьокуускайтан, Намтан, Хаҥаластан, Ньурбаттан, Уус Майаттан, Горнайтан, Сунтаар улуустарыттан уопсайа 21 хамаанда регистрацияланна. Күрэххэ уопсайа 37 хамаанда кэлэрин күүтэллэр.
Сотору кэминэн, күнүс 13 чааска күрэх үөрүүлээх арыллыыта буолуоҕа. Онтон 14 чаастан волейбол күрэҕэ саҕаланыаҕа. Билигин манна кэлбит хамаандалар эттэрин-сииннэрин хамсатан, эрчиллэ сылдьаллар. Хас биирдиилэрэ биир сыаллаахтар – «Спортивыне Якутяне» үөрэнээччилэр спартакиадаларыгар путевканы ылыы! Ситиһиилэри! Ким бэлэмнээх, ким күүстээх ол кыайдын!
Вадим КОЛЕСОВ, Х кылаас,
А.П. Илларионов аатынан Хайахсыт орто оскуолата, Чурапчы