Тапталлаах оскуолабыт Ленин аатынан сүкпүтэ 100 сылыгар аналлаах улахан бырааһынньык буолла. Биһиги, VIII кылаас үөрэнээччилэрэ, “Уолба нэһилиэгэр үөрэхтээһин саҕаланыыта” диэн тиэмэни кылааспыт чааһыгар сырдаттыбыт. Биһиги кылааһынан бииргэ оскуолалар макеттарын оҥорбуппут уонна уруһуйдаабыппыт.
Кылгастык кэпсээтэххэ, Уолбаҕа бастакы оскуола 1907 сыллаахха Семён Петрович Аянитов-Төнкөрөөһөй балаҕаныгар аһыллыбыт, Георгий Фёдорович Андреев 24 оҕону үөрэппит. Бу кэмҥэ нэһилиэк үрдүнэн барыта 364 киһи олорор эбит.
Биһиги кылаас чааспытыгар нэһилиэкпит баһылыга Александр Афанасьевич Винокуров ыалдьыттаата. Бэйэтэ оскуолаҕа үөрэммит сылларын туһунан кэпсээтэ. Уонна түмүгэр ыалдьыты кытта тест толордубут.
Настя ДАНИЛОВА, VIII кылаас, Уолба, Таатта