Балаҕан ыйын 9 күнүгэр Мэҥэ Хаҥалас улууһугар үөрэх эйгэтин үлэһиттэрин «Үөрэҕирии — түөлбэ сайдыытын төрдө» диэн тиэмэлээх сүбэ мунньаҕа бастакы күнэ Майатааҕы В.П. Ларионов аатынан орто оскуолаҕа буолан ааста.
Площадкалар уопсайа 4 хайысханан арахсан үлэлээтилэр, ол курдук: саҥаны бил (знать), оҥор (создавать), сайыннар (развивать), бииргэ үлэлэс (взаимодействовать). Үөрэҕирии эйгэтин салайааччыларыгар СӨ үөрэҕирии уонна наука миниистирэ Нюргуна Афанасьевна Соколова, Мэҥэ Хаҥалас улууһун баһылыга Дмитрий Иванович Тихонов, Мэҥэ Хаҥалас үөрэҕирии салалтатын салайааччыта Ирина Михайловна Плотникова кэпсэтии ыыттылар, долгутар боппуруостарга эппиэттээтилэр.
Тэрээһин кыттааччыларыгар анаан улууспут үөрэҕин тэрилтэлэрэ араас хайысханан выставка уонна маастар кылаастары көрдөрдүлэр, бэлэмнээтилэр. Сүбэ мунньах үөрүүлээх чааһыгар биһиги оскуолабыт химияҕа учуутала Айталина Варламовна Игнатьева Арассыыйа үөрэҕириитин Министиэристибэтин бочуоттаах грамотатынан наҕараадаланна.
Сиһилии видео-матырыйаалларга көрүҥ:
Хаартыскаҕа түһэрдилэр, кыттааччылартан интервью ыллылар Айсена Габышева, 11 «б» кылаас үөрэнээччитэ, Доминика Цыпандина, 10 «б» кылаас үөрэнээччитэ,
В.П. Ларионов аатынан Майа орто оскуолата, «Мэҥэбил» медиа киин