Бастакы чиэппэр бүтэһик нэдиэлэтигэр Ньурбатааҕы техническэй лиссиэйбитигэр сылын аайы ыытыллар «Литературнай бал» буолан ааста.
Бу бал Царскосельскай лиссиэй төрүттэммитэ 215 сылыгар ананна. Лиссиэй үөрэнээччилэрэ култуураҕа үөрэнэр, сыстар тэрээһиннэрин биһиги, 10 «а» уонна 10 «б» кылаастар тэрийэн ыыттыбыт. Бу киэҺэ хас биирдии кылаас бал үҥкүүтүн бэлэмнээн көрдөрбүттэрэ, холобур, вальс, полонез. Оҕолор олус маанытык таҥнаннар, кэрэтик көһүннүлэр — уолаттар хара фрак кэттилэр, кыргыттар уһун бал былаачыйатын кэтэн киэргэйдилэр. Бииртэн биир үчүгэй, кэрэ паралар үҥкүүлээтилэр.
Бал түмүгэр «Король и Королева бала» уонна «Принц и Принцесса бала» диэн ордук чорбойбут оҕолору таллылар. Хас биирдии кылааска номинация биэрдилэр, «Лучшая пара класса» таллылар: «Король и Королева бала» — Герасимов Владимир уонна Иннокентьева Аксинья буоллулар. «Принц и Принцесса бала» — Филиппов Эльдар уонна Ушканова Милана ааттаннылар. Бу маннык бэлиэ тэрээһин ыытыллара үөрэнээччилэргэ өйдөбүл буолан хаалыа, историяны уонна литератураны билэллэригэр көмө буолуо.
Эвелина ЖДАНОВА,
Ньурбатааҕы техническэй лиссиэй 10 «б» кылааһын үөрэнээччитэ
Кэскил14.ру