Балаҕан ыйын 19 күнүгэр Ньурба оройуонун Хаҥалас нэһилиэгэр оскуолалар медиа-кииннэрин слета буолан ааста. Манна Хаҥалас, Маар, Акана оскуолалара, Ньурбатааҕы гимназия уонна лиссиэй медиа-кииннэрэ кыттыыны ыллылар.
Оҕолор билсэн, оонньоон, уопут атастаһан станцияларынан араас сорудахтары аастыбыт: искусственнай интеллегы туһанан хаһыаты таҥарга М.П. Иванова көрдөрдө, хайдах интервью ыларга, суруналыыс этикатын тутуһарга Ньурба гимназиятын «Бүлүү дуораана» медиа-киин салайааччыта С.И. Тобонова сүбэлээтэ, Ньурбатааҕы техническэй лицей медиа-киинин салайааччыта К.Я. Степанова монтажка ханнык приложениялары туһанарга, монтажтыырга үөрэттэ. Онтон араас социальнай ситимнэргэ сэрэхтээх буоларга, сөптөөхтүк информацияны туһанарга Ньурба оройуонун оскуолалар медиа-кииннэрин салайааччыта А.Д. Корнилов кэпсээтэ.
Түмүккэ хамаанданан арахсан оскуола медиа-кииннэрэ кэлэн иһэр IX Спортивнай оонньууларга бэйэбит идиэйэлэрбитин бырайыак оҥорон кэпсээтибит. Медиа-кемпинг диэн интириэһинэй бырайыагы «Эрэл» хамаандата билиһиннэрдэ, «Мохсоҕол» хамаанда биир уопсай QR-код оҥостон матырыйаалбытын барытын онно түмэн иһиэххэ диэн баҕа санааларын эттилэр уонна ыалдьыттарга бэриллэр мерчка, холобур, бутылкаҕа бэйэлэрэ IX Спортивнай оонньууларга кэлэн түспүт хаартыскаларыттан стикер оҥорон мерчтарыгар таһааран биэрэр киоск оҥоруохха диэтилэр.
Кэрэспэдьиэн оҕолор идиэйэлэрэ, баҕа санаалара олус интириэһинэй эбит.
Камелия Яковлева, Маар орто оскуолатын «Юла» медиа-киин эдкора.
Кэскил14.ру