Холобур оҥостор киһим-тапталлаах эбэм
Күндү эбэм, норуот маастара, Саха өрөспүүбүлүкэтин үтүөлээх учуутала, учууталлар учууталлара, Уус-Амма бочуоттаах олохтооҕо Большакова Арина Николаевна 1953 с. алтынньы 2 күнүгэр Уодай диэн сиргэ Николай Николаевич уонна Анна Михайловна Евлевтар дьиэн кэргэҥҥэ маҥнайгы оҕонон күн сирин көрбүтэ. Эбэм ийэтэ, мин хос эбэм Анна Михайловна иистэнньэҥ буолан эбээбин кыралаан ыраастык туттан иистэнэргэ үөрэппит. Былыр хотуобай таҥас аҕыйаҕар кэтэр таҥастарын бэйэлэрэ тиктэллэр эбит. Эбэбин труд уруогар иистэнэргэ эмиэ үөрэппиттэр, уһуйааҥҥа куукула таҥаһын тигэн биэрбиттэригэр кини үлэтэ барыларыттан ордук хаачыстыбылаахтык тигиллибит буолан учууталыттан хайҕанара. Оскуолаҕа үөрэнэр пуорматын саҕатын быыстапкалаан киэргэтэн тиктэр эбит. Эбэм 8 кылааһы бүтэрэн баран Намнааҕы педучилищеҕа труд уонна черчение учууталын идэтигэр үөрэнэ барар. Онтон Новосибирскайдааҕы пединститутка 5 сыл үөрэҕин үрдэтиммит. Үөрэҕин бүтэрэн баран дойдутугар кэлэн труд, черчение учууталынан үрдүк таһаарылаахтык 40 сыл устата үлэлээбитэ. Оскуола кыргыттарыгар анаан «Сайаана» диэн сахалыы ис хоһоонноох саха төрүт култууратын иискэ уратытын билиһиннэрэр суолталаах ураты куруһуок тэрийэн үлэлэппитэ. Оскуолаҕа үлэлиир сылларыгар эбэм үөрэппит оҕолоро улуус, Өрөспүүбүлүкэ, Арассыыйа таһымыгар быыстапкаларга, олимпиадаларга, араас таһымнаах кэмпириэнсийэлэргэ куруук миэстэлэһэн инники күөҥҥэ сылдьаллара, оскуолаларын аатын киэҥ сиргэ ааттаталлара. Эбэм учуутал бэйэтин маастырыстыбатын үрдэтинэн элбэхтик дьарыктаныахтаах, үөрэтиэхтээх, сайдыахтаах диэн өйдөбүлүнэн норуот маастарыгар Анна Николаевна Звереваҕа саха кыбытыылаах иистэнньэҥэр үөрэммитэ.
Күн тэҥэ киһибинэн, эйэҕэс эбэбинэн киэҥ туттабын, холобур оҥостобун!
Агата Колодезникова, 7 кылаас
Г.Д.Бястинов-Бэс Дьарааһын аатынан Чымынаайы орто оскуолата, Таатта улууһа