Ньурба улууһун Н.И. Прокопьев аатынан Хатыы агро хайысхалаах оскуолата бэйэтин хаһаайыстыбатын кэҥэтэр уонна тыа хаһаайыстыбатын хайысхатын сайыннарар сыалтан сүөһү ахсаанын элбэтэр. Атырдьах ыйын 10 күнүгэр оскуолабыт директора Владимир Гаврильевич Тимофеев, оскуола директорын агро өттүгэр солбуйааччыта Ньургустаан Тимофеевич Егоров уонна оскуолабыт биология предметын учуутала Семен Семенович Тимофеев оройуоҥҥа саамай биллэр, улахан уонна кэскиллээх нэһилиэгиттэн, Ньурба куоратыттан 15 биэрэстэлээх сиргэ сытар, Күндээдэ нэһилиэгиттэн оскуола уонна нэһилиэк хаһаайыстыбатын сайдыытыгар диэн 20 ньирэйи тиэйэн аҕаллылар.
Оскуола саҥа ынахтары ылан, улахан кэскиллээх үлэни ыытары, бу сайын этэҥҥэ үс лааҕыры түмүктээн саҥа үөрэх дьылыгар бэлэмнэнии үлэтин саҕалаата.
Оскуолабытыгар ахсаанныын 20 ньирэйи биэрдилэр! Эдэр кэскиллээх үлэһиттэри өйөөбүт, өйдөөбүт дьоннорбутунан АО «Кюндядинская им. Николаева И.В.-Бытык Уйбаан» (Күндээдэ агроферма) салайааччыта Николаев Семен Николаевич уонна зоотехник Вера Васильевна буолаллар. Бу тэрилтэ туһунан кылгастык кэпсии түһэр буоллахха, Ньурба улууһун Күндээдэ нэһилиэгэр баар, үрүҥ аһы уонна племенной (боруодалаах) ынах-сүөһүнү, сылгыны иитиитинэн дьарыктанар улахан тыа хаһаайыстыбатын тэрилтэтэ буолар.
Биһиги кинилэргэ оскуолабыт ааттыттан, үлэһиттэриттэн улахан махталбытын биллэрэбит. Үлэҕит өссө да ситиһиилэннин, көрөр-истэр сүөһүлэргит өрүү да элбии турдуннар. Нэһилиэкпит уонна оскуолабыт хаһаайыстыбата сайдарыгар биһиги салҕыы күүскэ үлэлиирбитигэр күүспүтүгэр күүс буоллугут.
Хатыы орто оскуолатын медиа-киинэ, Ньурба улууһа.
Кэскил14.ру