Биһиги оскуолабытыгар үгэс буолбут эдэр чинчийээччилэр бүтүн оскуолатааҕы научнай-практическай кэмпириэнсийэлэрэ үрдүк таһымнаахтык ааста. Быйылгы куоталаһыы саха чулуу учуонайа, академик В.П. Ларионов аатын сүгэр «Инникигэ хардыы» республикатааҕы кэмпириэнсийэ чэрчитинэн тэрилиннэ.
Бэйэлэрин наукаҕа бастакы хардыыларын оҥороору оскуола араас кылаастарыттан үүнэн иһэр 17 талааннаах оҕо кытынна. Эдэр чинчийээччилэрбит бэлэмнээбит үлэлэрэ дириҥ ис хоһоонноох уонна интэриэһинэй буолан, дьүүллүүр сүбэҕэ бастыҥнары талар уустук эрээри, олус долгутуулаах буолла.
Тыҥааһыннаах куоталаһыы түмүгүнэн муҥутуур кыайыылаахтарынан уонна бириистээх миэстэни ылбыт үөрэнээччилэринэн буоллулар:
• 1 миэстэ — Аммосов Арылхан, 5 кылаас үөрэнээччитэ. Кыра сааһыттан наукаҕа дьулуһар эрэллээх кыайыылаахпыт;
• 2 миэстэ — Анисимов Дьулустаан, 10 кылаас үөрэнээччитэ. Үрдүкү кылаас чинчийээччитин бэртээхэй ситиһиитэ;
• 3 миэстэ — Ноговицын Дьулустаан, 9 кылаас үөрэнээччитэ. Түмүктүүр кэрчиккэ эрэллээхтик тахсыбыт бастыҥ үөрэнээччибит.
Кэмпириэнсийэҕэ кыттыбыт бары оҕолорбутугар наука аартыгар ааннарын арыйбыттарынан итиитик эҕэрдэлиибит! Эһиги чинчийэр үлэҕит — инники кэскилгит төрдө.
Кыайыылаахтарга республика таһымыгар ситиһиилээхтик кыттарга уонна өрүү үрдүк сыаллары ситиһэ турарга баҕарабыт!
Н.И. Прокопьев аатынан Хатыы орто оскуолата