Саха өрөспүүбүлүкэтин судаарыстыбаннаһын күнүгэр аналлаах нэдиэлэҕэ бүгүн, балаҕан ыйын 23 күнүгэр, оскуолабытыгар «Сахалыы остуол оонньуулара» тэрээһин ыытылынна. Оҕолор бары кылаастарбытыгар Саха сирин устуоруйатын, култууратын билиһиннэрэр остуол оонньуутун тэрийэн ыыттыбыт.
1 кыл. — «Саха эйгэтэ» лото-оонньуу;
2 кыл.-«Улуустар дьаралыктара» мемо-оонньуу;
3 кыл.- «Тырыыҥка»;
4 кыл. — «Олоҥхо оонньуулара»;
5 кыл.- «Саха сирин картата» пазл хомуйуу;
6 кыл. — «Хабылык»;
7 кыл.- «Туос» оонньуу;
8 кыл.- «Ыһыах. Үгэс суолунан айан»;
9 кыл.- «Сахалыы ыстаныылар»;
10 кыл.- «Ырыаны таай»;
11кыл.- «Хабылык».
Оҕолор кылааһынан сылдьан араас остуол оонньуутун биллибит-көрдүбүт. Бу оонньуулары үксүн «Айар» кинигэ кыһата оҥорон таһаарбыт. 2- с уонна 4-с кылаастар бэйэлэрэ оҥорбут оонньууларын аҕалбыттар. Мин кылааспар «Сөп-Сыыһа» диэн тылы сайыннарар оонньууну ыыттым. Элбэх оҕо киирэн төгүрүччү олорон оонньоото. Кылаастар кыттааччыларга минньигэс бириистэри туттардыбыт. Күммүт көхтөөхтүк, олус туһалаахтык ааспытыттан үөрдүбүт.
Ньургун Романов, 8 кыл., «Эрчим» медиакиин, Дүллүкү, Үөһээ Бүлүү