Тохсунньу 13-14 күннэригэр Россия биир кырдьаҕас куоратыгар Ярославльга куоракка чэпчэки атлетикаҕа Бүтүн Россиятааҕы күрэхтэһии буолан ааста.
Көҥүл күүс киһиэхэ барытыгар баар, ону сөпкө тайанан арыйар бу спортсмен уонна кинини кытта бииргэ үлэлэһэр тренер сүрүн соруктара.
Бу күрэхтэһиигэ Хадаар орто оскуолатын VIII кылааһын үөрэнээччитэ Айтал Григорьев ситиһиилээхтик кытынна.1500 миэтэрэ дистанцияны 4,43,67 сөк. сүүрэн, иккис миэстэ буолла. Мэһэйдээх сүүрүүгэ 2000 миэтэрэ дистанцияҕа кыһыл көмүс мэтээли ылла. Бириэмэтэ – 6,36,75 сөк. Оттон 4х200 дистанция эстафетаҕа Саха өрөспүүбүлүкэтин хамаандата III миэстэни ситистэ.
Айтал спорт бу көрүҥүнэн дьарыктаммыта балайда өр буолла. Кини бэйэтигэр ирдэбиллээх. Дьарыгын биир да күнүн көтүппэт. Спорт тулуурдаах, кытаанах майгылаах дьону иитэн таһаарар дииллэрин биһиги, биир саастыылаахтара, Айтал холобуругар көрөбүт. Көҥүл күүс киһиэхэ барытыгар баар, ону сөпкө тайанан арыйар бу спортсмен уонна кинини кытта бииргэ үлэлэһэр тренер сүрүн соруктара. Айтал тренерин Реворий Михайлович Елисеевы кытта биир хамаанда буолан дьаныардаахтык үлэлииллэр. Ол түмүгэр саҥаттан саҥа үрдэллэри дабайаллар. Бу күрэхтэһиигэ кытта баралларыгар көмөлөспүт «Японец» автоцентр салайааччытыгар Афанасий Павлович Алексеевка дириҥ махталларын тиэрдэллэр.
Айталбыт үөрүүтүн биһиги эмиэ тэҥҥэ үллэстэбит. Төрөппүттэригэр Петр Петровичка, ийэтигэр Лидия Михайловнаҕа эҕэрдэбитин тиэрдэбит.
Алёна КСЕНОФОНТОВА, Хадаар медиа-оскуола юнкора, Чурапчы