С.К. Макаров аатынан Чурапчы гимназиятыгар информационно-медийнэй киин 1995 сыллаахха тэриллибитэ. Оҕолор суруйар-айар дьоҕурдарын сайыннарар, гимназия үлэтин улуус уонна өрөспүүбүлүкэ таһымыгар сырдатар сыаллаах-соруктаах күн бүгүнүгэр диэри ситиһиилээхтик үлэлиир.
“Кэскил” оҕо бэчээтин кытта Сөбүлэҥ чэрчитинэн кэлбит харчыбытынан фотоаппарат атыыластыбыт. Онон оҕолорбут сүргэлэрэ көтөҕүллэн сылдьарын, үлэлэрэ өссө таһымнанан, айар дьоҕурдара сайдан иһэрин бэлиэтиэхпин баҕарабын.
2022 сылтан Н.Е. Мординов-Амма Аччыгыйа аатынан “Кэскил” оҕо бэчээтин кыһатын кытта Сөбүлэҥ түһэрсэн, пресс-кииммит саҥалыы сайдар суолга үктэммитэ. Үлэбит араас хайысханан саҕыллар кыахтанна. Холобур, оскуолабыт олоҕун-дьаһаҕын таһынан нэһилиэкпит, улууспут ураты дьарыктаах, дьылҕалаах, ситиһиилээх дьонун-сэргэтин туһунан суруйабыт, “Саас” мобильнай сыһыарыыга анаан видео контент оҥоробут. Бу курдук, биһиги суруналыыстыка эйгэтигэр бэйэбитин холонон көрөбүт, араас куонкурустарга кыттабыт, күннэтэ үүнэбит-сайдабыт.
Биһиги гимназиябыт дириэктэрэ Юрий Михайлович Слепцов медиа-оскуола үлэтин олус өйүүр. Ол туһунан санаатын маннык үллэстэр: “Убаастабыллаах Ольга Ивановна Семеноваҕа уонна “Кэскил” оҕо бэчээтин кыһатын бары үлэһиттэригэр гимназиям аатыттан дириҥ махталбын тиэрдэбин. Кэлиҥҥи бириэмэҕэ биһиги оҕолорбут суруйар уонна айар дьоҕурдара сайдарын өйөөн, бииргэ үлэлииргэ эһигини кытта Сөбүлэҥ түһэрсэн, тэҥҥэ үлэлии сылдьарбытыттан олус астынабыт. Гимназистарбыт суруйар-айар дьоҕурдара күннэтэ сайдан иһэриттэн үөрэбит. Ол курдук, “Тумус кыһа” пресс-кииҥҥэ дьарыктанан, оскуола хаһыатын таһаараллар, «Per aspera ad astra» (Через тернии к звездам – через усилия к победе) сылын ахсын тахсар отчуоттуур сурунаалбыт оҥоһулларыгар сүрүн тирэхпит эмиэ оҕолорбут буолаллар.
“Кэскил” оҕо бэчээтин кытта Сөбүлэҥ чэрчитинэн кэлбит харчыбытынан фотоаппарат атыыластыбыт. Онон оҕолорбут сүргэлэрэ көтөҕүллэн сылдьарын, үлэлэрэ өссө таһымнанан, айар дьоҕурдара сайдан иһэрин бэлиэтиэхпин баҕарабын.
Инникитин даҕаны оҕо дьоҕурун-талаанын арыйыыга үлэҕит-хамнаскыт таһаарыылаах буоллун диэммин баҕа санаабын этэбин. Бу курдук салгыы ситимнээхтик үлэлиэхпит диэн эрэнэбит”.
***
Мин “Тумус кыһа” пресс-кииҥҥэ киирбиппиттэн олус үөрэбин. Кииҥҥэ дьарыгым араас өттүнэн сайдарбар олук буолуоҕа, оскуола кэмигэр ылбыт үөрүйэхтэрим инники олохпор көмөлөһүөхтэрэ диэн бигэ эрэллээхпин. Түгэнинэн туһанан, “Тумус кыһа” пресс-кииҥҥэ дьарыктанар оҕолор ааттарыттан салайааччыбытыгар Саргылана Гаврильевна Марковаҕа, “Кэскил” оҕо бэчээтин кыһатын кэлэктиибигэр, бииргэ алтыһан үлэлиир кураторбытыгар Сардаана Анатольевна Матвееваҕа истиҥ махталбытын тиэрдэбит.
Арина СОТНИКОВА, Х “А” кылаас, “Тумус кыһа” пресс-киин,
С.К. Макаров аатынан Чурапчы гимназията