Мин эбэм — Иванна Иннокентьевна Стручкова. Кини таптыыр дьарыга — иис. Оҕо оонньуутун, фартук уонна да арааһы барытын тигэр. Кыра оҕо унтуутуттан саҕалаан улахан дьоҥҥо тиийэ тигэр. Киниэхэ наһаа элбэх киһи сакаастыыр. Ону таһынан мин эбэм олус асчыт. Кини аһа кимиэхэ да тэҥнэммэт минньигэс амтаннаах. Наһаа үлэһит, икки үлэлээх өссө сиэнин көрөр, дьиэ үлэтин барытын оҥорор. Мин эбэбэр дьиэ үлэтигэр көмөлөһөбүн. Эбэм миигин олоххо үчүгэй киһи буолан улаатарбар кыһаллар, сүбэлиир. Сыыстахпына көннөрөр уонна наар өйдүүр, өйүүр. Мин эбэбим олус күүскэ таптыыбын. Кини уһуннук олоруон баҕарабын.
Настя Макарова, 7 кылаас, КОО
Мин эбэм аата Анастасия Семеновна Захарова, кини билигин биэнсийэҕэ олорор. Кини иллэҥ кэмигэр сороҕор унтуу, таба тыһыттан олбохтору, панно тигэн оҥорор. Ас астыырын эмиэ сөбүлүүр. Мип-минньигэс лэппиэскэтин уонна бэрэскитин олус сөбүлүүбун. Эбэбэр иһит, муоста сууйарга көмөлөһөбун. Маҕаһыыҥҥа сылдьыһан көмөлөһөбүн. Радионы сөбүлээн истэр. Ырыаһыттары барыларын билэр. «Аартык» түмсүүгэ сылдьар. Тыаҕа сылдьарын сөбүлүүр. Сискэ элбэхтик сугуннааччы, отоннооччу, миигин эмиэ илдьээччи. Мин эбэбэр кытаанах доруобуйаны, дьоллоох олоҕу баҕарабын!
Александра Рожина, 5 кылаас, КОО
Мин эбэм аата Мария Иннокентьевна Саргина. Кини Кустуурга библиотекарынан үлэлиир. Элбэх кинигэни ааҕар, биһиэхэ эмиэ аахтарар. Сороҕор хоруонканан үнкүүгэ кэтэр таҥаһы киэргэтэн тигээччи. Элбэх сиэннэрин минньигэс астаах наар көрсөр. Алаадьы, бэрэски, миин, хортуоска буһарбыт буолааччы. Эбээм халыҥнык таҥна сырыт, таһырдьа өр сылдьыма диэн сүбэлээччи. Мин эбэм бу сайын Кустуур оҕолорун ыстаадаҕа илдьэ сылдьыбыта. Онно кини чуум үлэһитинэн үлэлээн кэлбитэ. Оҕолорго күүс-көмө буолбута. Эбэбим мин олус күүскэ таптыыбын! Баҕарабын чэгиэн-чэбдик доруобуйаны, байылыат олоҕу.
КОО, Слепцова Айсаана 5 кылаас
«Биракчаан» медиа киин эдэр кэрэспэдьиэннэрэ, Кустуур, Эбээн Бытантай