Биһиги быйыл 5 кылаас буоллубут. Кылааспыт салайааччыта Лидия Вениаминовна Мигалкина. Кини биһигини ахсаан уруогар үөрэтэр. Кылааспытыгар онуобут, олус иллээхпит. Күн аайы саҥаны билэн барабыт, атын-атын учууталлар үөрэтэллэрин астынабыт. Оскуолаҕа араас элбэх куруһуок, сиэксийэ буолар эбит. Биһиги кылааспыт үксэ, кыыстыын-уоллуун футбол сиэксийэтигэр сөбүлээн сылдьан эрэбит. Тренербит Алексей Тарскай. Нэдиэлэҕэ 4-5 күн бөһүөлэкпит спортсаалатыгар баран
дьарыктанабыт.
Соторутааҕыта «Мини-футбол — оскуолаҕа» диэн Бүтүн Россиятааҕы бырайыак иккис түһүмэҕэ ыытылынна. Тоҕус хамаандаттан Чараҥ оскуолата II миэстэ буолан, үөрдүбүт аҕай. Кылааспытыттан Ваня Петров, Иввар Алексеев, Савелий Шелковников уонна Алексанна Петрова хамаандаҕа
киирэн, оскуолаларын чиэһин көмүскээтилэр. Алексанна футболу сөбүлүүрүн таһынан, үөрэҕэр эмиэ туйгун.
Дьэ, ити курдук, кылааспыт оҕолорун кыайыыларынан киэн туттабыт уонна үөрэххэ, спорка ситиһиилэрбит өссө да иннибитигэр диэн үөрэбит.
Сайаана Трофимова, 5 кылаас үөрэнээччитэ,
Чараҥ орто оскуолата, Уус Алдан улууһа