Таатта улууһугар сыл аайы ыытыллар уйулҕа ыйын чэрчитинэн Э.К.Пекарскай аатынан Игидэй орто оскуолата араас туһалаах тэрээһиннэри ыытар. Оскуола психолога, Захарова Анастасия Константиновна оскуола администрациятын кытта былааннаан олус туһалаах, көхтөөх, көдьүүстээх элбэх оҕону, төрөппүтү хабан, киэҥ өрүттээх тэрээһини ыытар.
Быйылгы дьыл сонун тэрээһининэн «Доруобай иҥэмтэлээх ас» диэн тема тула нэдиэлэ ыытылынна.
Көхтөөх кыттыыны «Теремок» уһуйаан уонна Игидэй орто оскуолатын үөрэнээччилэрэ, төрөппүттэрэ ыллылар.
Нэдиэлэ устата оҕолор иҥэмтэлээх, битэмииннээх аһы аһаатылар.Күннээҕи астарын рецебигэр фрукта арааһа, үрүҥ ас киирдэ.
Иитээччилэр: Ермолаева Матрёна Васильевна, Лопатина Дария Константиновна, Афанасьева Лена Ильинична оҕолорго анаан туһалаах бэсиэдэлэри ыыттылар.
Уһуйаан улахан бөлөҕүн иитиллээччилэрэ, иитээччилэрэ, Сивцева Надежда Даниловна көҕүлээһининэн хворос тиэстэтэ мэһийэн оҥорбуттарын, повар Любовь Макаровна буһаран, оҕолор үөрүүлэрэ үгүс, минньигэстик тото-хана сиэтилэр.
Олохтоох балыыһаттан, медик Ефимова Саргылаана Михайловна оҕолорго анаан доруобай аһылык туһунан иһитиннэрии оҥордо.
Аныгы технологияны туһанан, презентация көрдөрөн оҕолор болҕомтолорун тарта, оҕолор Кока Кола, чипсы буортутун туһунан олус сэҥээрэн көрдүлэр.
Күн иккис аҥарыгар, физкультура инструктора, Иванова Тамара Николаевна орто уонна улахан бөлөх оҕолоругар көрдөөх күрэхтэри ыытта. Кыра бөлөхтөр күрэҕи көрөөччү быһыытынан кыттыыны ыллылар.
Оҕолор оҕуруот аһын уонна фруктаны арааран, араас моһоллору туораан, сүүрэн-көтөн үөрүүлэрэ үгүс.
Остуоруйалартан аска сыһыаннаах ыйытыыларга сөптөөх хоруйу биэрэн, икки хамаанда тэҥҥэ тахсан тэҥнэһиинэн түмүктэннэ.
Бүгүҥҥү үөрүүлээх күнү хаартыскаҕа түһэрэн үйэтиттэ, Аргунова Мария Ивановна, тэрээһиҥҥэ күүс көмө буолла Афанасьева Лена Ильинична.
«Иҥэмтэлээх аһы оҕолорго аһатыы» диэн тема тула оскуола остолубуойа үлэлээтэ. Төрөппүттэргэ аһаҕас аан күннэрэ тэриллэн,төрөппүт нэдиэлэ устата ханнык баҕарар күн кэлэн , оскуола остолубуойугар оҕото тугу аһыырын билсэр.
Кылаас салайааччылара оҕолорго анаан» Сөптөөх, иҥэмтэлээх аһылыктары аһыан-доруобай буолуоҥ» диэн беседаны ыыттылар.
Биология, химия учууталлара: Захарова Любовь Николаевна, «Вред газированных напитков» диэн темаҕа беседа уонна практическай үөрэҕи ыыттылар.
Маны таһынан кылаас салайааччылара араас конкурустары тэрийэн ыыттылар.Алын сүһүөх кылааһын оҕолоро-«Биһиги сөптөөх аһылыгы аһыыбыт» диэн хаһыат таһаардылар.
Орто уонна улахан кылаастар Баннер оҥордулар.Оҕолорго уонна төрөппүттэргэ анкета ыытылынна.
Бу курдук туһалаах тэрээһин Игидэй орто оскуолатыгар сылын аайы ыытыллар.
Балаһаны бэлэмнээтэ: Варвара Ефимова.
Материал булуутугар көмөлөстө: Иванова Т.Н. «Теремок» уһуйаан спорт. инструктора.