Биһиги бөһүөлэктэн Дыгын Соловьев, Кеша Соловьев, Исаак Андреев, Айаал Бурцев анал байыаннай операцияҕа баҕа өттүлэринэн барбыттара. Итинник быһыы хорсун санааттан тахсар дии саныыбын. Уопсайа, оройуонтан 80-тан тахса киһи спецоперацияҕа барбыта.
Биһиги убайдарбыт тыыннаах эргиллэн кэлэллэригэр баҕарабыт. Кинилэр тустарыгар дьон барыта долгуйар. Бөһүөлэк дьоно ичигэс таҥас баайан, тигэн, хомуйан ыыппыттара. Онон бары кинилэргэ көмөлөһө сатыыбыт.
Биһиги, оҕолор, саллааттар санааларын өрө көтөҕөөрү, сурук уонна аккырыыкка ыыттыбыт. Бу сурукпут уонна аккырыыккабыт кинилэргэ тиийдэҕинэ, кинилэр дьиэлэригэр сылдьыбыт курдук сананыахтара.
Биһиги, уолаттар, дойдубутун көмүскүүр өйгө-санааҕа кыра эрдэхтэн иитиллиэхтээхпит. Эт-хаан өттүнэн эмиэ кыанар буолуохтаахпыт.
Коля Томскай, V кылаас, » Саһарҕа» пост.
Эҥэ, Дьааҥы.