Саха сиригэр 2023 сылы Ил Дархаммыт Үлэ сылынан биллэрбитэ. Онуоха аналлаах экскурсияҕа олохтоох түмэлбитигэр сырыттыбыт. Манна биһиги сэбиэскэй кэмнэргэ үлэлээн ааспыт биһиги биир дойдулаахтарбыт туһунан араас матырыйааллары көрдүбүт, аахтыбыт, кинилэр туһунан суруйарга матырыйаал хомуйдубут.
Түмэлбит эркиннэригэр ыйаммыт хаартыскалар. Оччотооҕу хаһыаттартан ыстатыйалар олорон ааспыт үлэһит дьон туһунан бэрт элбэҕи кэпсииллэр. Кинилэр бары үлэһит бэрдэ эбиттэр, үлэттэн дьолломмут дьоннор буолаллар. Кинилэр таһаарыылаах үлэлэринэн биһиги оччотооҕу совхозпут сайдан, бастыҥнар кэккэлэригэр киирэн, элбэх куоталаһыыларга кыайбытын туоһулуур наҕараадалар бааллар.
Онон билигин биһиги үлэһит үтүө дьоммутун ааттарын үйэтитэн, өйдүү-саныы сылдьыахтаахпыт. Кинилэри, эбэлэрбитин-эһэлэрбитин, холобур оҥостуохтаахпыт.
Эля Сухомясова, 6 кылаас үөрэнээччитэ,
Орто Халыма, Өлөөкө-Күөл б.