Ахсынньы 28 күнүгэр Ньурба Хаҥалаһын оскуолатыгар өр кэтэспит — саҥа 2023 сылы, хара Куруолук сылын көрсөр алыптаах киэһэбит тиийэн кэлбитэ. Бырааһынньыкпыт норуоттар үҥкүүлэрин күрэҕинэн аһыллыбыта.
Хас биирдии кылаас олус кыһаллан бэлэмнэммиппит. Күрэхпит үс сүһүөҕүнэн тус-туспа күрэхтэспиппит. Ол курдук, бастакы сүһүөххэ 1 миэстэҕэ узбекскай үҥкүүнү бэрт тэтимнээхтик толорбут 4 кылаастар таҕыстылар, үҥкүүнү бэлэмнээн туруорбут киһинэн оскуола психолога Сахаайа Руфовна буолар.
Иккис сүһүөххэ кыайыылааҕынан таҕыстылар 7 кылаас үөрэнээччилэрэ, кинилэр турецкай үҥкүүнү көрдөрбүттэрэ, үҥкүүнү туруорда кулууп художественнай салайааччыта Венера Юрьевна.
Үһүс сүһүөххэ, эбэтэр оскуола саамай үрдүкү кылаастарга 1 миэстэни 10 кылаас талааннаах үөрэнээччилэрэ ыллылар. Биһиги бэйэбит норуоппутунан киэн туттар буолан сахалыы үҥкүүгэ сүгүрүйүү көрдөрөн көрөөччүлэр болҕомтолорун тардан, үөгүү-хаһыы, «биис-браво» ортотугар үҥкүүлээбиппит. Төрөппүттэрбит кытта өйөөн саҕаланыытыгар кыттыбыттара үөрүүлээх.
Бу курдук cаҥа 2023 сылы өрө күүрүүлээхтик, үөрүүлээхтик көрүстүбүт. Бырааһынньык аһыллыытын кэрчигин суруйдум. Өссө да араас күрэхтэр, көрүүлэр, оонньуулар салҕанан барбыттара.
Юлиан Алексеев, 10 кылаас үөрэнээччитэ, «Ыллык» пост, Ньурба Хаҥалаһа.