Бүлүү улууһун П.И. Быканов аатынан Халбаакы орто оскуолатын 11 кылааһын үɵрэнээччитэ Раиса Павлова Ил Дархан Харыйатыгар барар чиэскэ тигистэ.
Рая туйгун үɵрэнээччи, оскуола биир чаҕылхай актыбыыһа. Өрөспүүбүлүкэ, Россия уонна Аан дойду таһымнаах олимпиадаларга, научнай конференцияларга кыттан үрдүк ситиһиилэрдээх, ол иһигэр — В.П. Ларионов аатынан республиканскай научнай конференция «Шаг в будущее-Инникигэ хардыы-Professor V.P. Larionov “A Step into the Future” Science Fair» — 3 миэстэ, IV тɵгүлүн ыытыллар өрөспүүбүлүкэтээҕи бизнес-оонньуу «Эргиэн-2020» — 1 миэстэ, Санкт-Петербургтааҕы «Открой в себе учёного» Арассыыйатааҕы научнай-инновационнай конференция 2018-2022 сс. лауреата, «Молодой лидер Якутии-2022» кыттыылааҕа, Бүлүү улууһун баһылыгын анал бирииһин хаһаайката.
Ону таһынан оскуола, нэһилиэк олоҕор кыра эрдэҕиттэн кɵхтɵɵхтүк кыттар, ыллыыр, үҥкүүлүүр, «Дьүрүскэн» фольклорнай ансаамбылга утумнаахтык дьарыктанар, «Айан» народнай үҥкүү бɵлɵҕүн солистката.
«Рая сэмэй майгылаах, элбэх доҕоттордоох, оҕолору түмэр киэн туттар үɵрэнээччибит. Оскуолатын, дойдутун аатын ɵссɵ да киэҥ сиргэ таһааран ааттата туруо диэн эрэнэбит, Раяҕа ситиһиилэри баҕарабыт», — диэн этэллэр учууталлара, бииргэ үөрэнэр доҕотторо.
keskil14.ru