Сахалар ахсынньы 20 күнүн Кыһыҥҥы Ньукуолунунан билинэллэр. Бу күн дьыл оройо, түптэлэс тымныы, күн муҥутуу кылгыыр кэмэ дииллэрэ. Оттон биһиги оҕолорбут ону хайдах ылыналларын, толкуйдуулларын, өйдүүллэрин уруһуй нөҥүө көрдөрдүлэр.
Тымныы оҕуһун муоһа кылаана сытыырхайара, барбатах балык миинин курдук ахсынньы ый былыттаах халлаана о.д.а. барыта баар.
Орто Халымаҕа бу күннэргэ сылаас күн дьыл туран оҕолор ойууларыгар хаартан үөрбүт, таһырдьа оонньуу сылдьар оҕолор бааллар.
И. Ноговицына
Орто Халыма, Өлөөкө- Күөл б.