Худуоһунньук идэтин, атын идэлэртэн, биир бастакынан баар буолбут идэнэн билинэллэр. Норуоттар икки ардыларынааҕы «Искусство народов мира» ассоциация көҕүлээһининэн ЮНЕСКО 2007 сыллаахха ахсынньы 8 күнүн «Худуоһунньук бырааһынньыга» диэн быһаарыныыны ылыммыта.
Бу күн худуоһунньуктар быыстапка, маастар-кылаас, көрсүһүүлэри тэрийэн сэргэхтик атаараллар. Ороһуттан төрүттээх Саха АССР ускуустубатын үтүөлээх деятэлэ, П.А. Ойуунускай аатынан драматическай театр кылаабынай худуоһунньугунан үлэлээбит Владимир Давыдович Иванов олорон ааспытын, кини уруһуйдаан хаалларбыт хартыыналарын «Дьыл көстүүлэрэ», «Киирсиилээх дьыллар» о.д.а. хартыыналара 1970 сыллаахха Аан дойду быыстапкатыгар тура сылдьыбытынан киэн туттабыт.
Ороһу оскуолатын директорын советнига Александра Ивановна Егорова «Куда летит самолётик советнига» диэн темалаан тэрээһин ыытта.
Тэрээһиҥҥэ төрөөбүт нэһилиэк айылҕатын, нэһилиэк көстүүтүн уруһуйдуур эрэ буолбакка, тас дойду олоҕун-дьаһаҕын, ойуулуур-дьүһүннүүр ускуустубатын билэ, өйдүү үөрэнэргэ туһаайылынна.
Тэрээһиҥҥэ мустубут кылаас оҕолоро толкуйдаан, талан ылбыт куораппытын, сирбитин уруһуйдуурбутугар хайаан да самолёт баара ирдэнэрин Александра Ивановна тоһоҕолоон эппитин иһин, уруһуйбут сүрүн геройа самолёт буолла. Самолёт биһигини ханна баҕарбыт сирбитигэр илдьэрэ саарбаҕа суох.
Кылааһынан түмсэн олорон уруһуйдаабыт уруһуйбутун эһигини сэргиэхтэрэ диэн ыыттыбыт.
Ванесса Прокопьева, «Тымтык» эдкорпост, Ороһу.