В.М. Новиков-Күннүк Уурастыырап аатынан Эмис оскуолатыттан учуутал сийиэһигэр икки дэлэгээт кыттар чиэскэ тигистэ: саха тылын учуутала Анетта Николаевна Гаврильева уонна оскуола дириэктэрэ Гаврил Дмитриевич Захаров.
Анетта Николаевна — үрдүк категориялаах 30 сыл ыстаастаах уопуттаах учуутал, үөрэнээччилэр биһирэбиллэрин ылбыт, саха литэрэтиирэтин олимпиадатыгыр өрөспүүбүлүкэ призерун бэлэмнээбит педагог.
Анетта Николаевна төрөөбүт тылы үөрэтии туһунан туһунан маннык санаалаах: «Төрөөбүт тылы уонна литэрэтиирэни үөрэтии олоххо ыкса чугаһыахтаах. Ыччаты кыра сааһыттан ийэ тыл эйгэтигэр киллэрэн, уран тылга умсугутар сорук турар. Үөрэтии оҕо бэйэ санаатын сатаан этэригэр тыл баайын толору туһанарыгар туһаайыллыахтаах. Литэрэтиирэ уруоктарыгар уус-уран айымньы кэрэтин кэрэхсиир, тобуллаҕас толкуйдаах, айар иэйиилээх киһи иитиллэр».
«Кэскил» медиакиин, Эмис орто оскуолата, Амма улууһа.