Бүгүҥҥү күҥҥэ С.П. Данилов аатынан Бэрдьигэстээх орто оскуолата уонна Горнайдааҕы полиция отделенията ыкса сибээстээхтик үлэлииллэр.
«Полиция эдэр доҕотторо» этэрээт уолаттара полиция сотрудниктарын идэлээх күннэригэр үлэлиир сирдэригэр тиийэн билистилэр.
Дойдуну, дьону көмүскүүр-араҥаччылыыр аналлаах үлэһиттэр үүнэр көлүөнэҕэ бэйэлэрин үлэлэриттэн, үтүө холобурдарыттан элбэҕи кэпсээтилэр.
Олоҕу-дьаһаҕы хааччыйар, хайдахтаах да кэмҥэ дьон быраабын-көҥүлүн араҥаччылыыр сулууспа үлэтэ улахан эппиэтинэстээҕин көрдүлэр-иһиттилэр уонна салгыы үлэлииргэ былааннарын ырыттылар.
«Кэскил» медиа-оскуола.