Соторутааҕыта Н. Е. Мординов аатынан Харбалаахтааҕы үөрэхтээһин холбоһугун үөрэнээччилэрэ «Кросс наций» кыттыһан сынньалаҥ пааркатыгар сүүрдүлэр. Күммүт оҕолору сэҥээрэн чаҕылыччы тыкта. Сүүрүөх иннинэ эрчиллиилэри тэҥинэн оҥорон, эти-хааны уһугуннардылар. Үөрэнээччилэр бары көхтөөхтүк кытыннылар.
Айылҕалыын алтыһан, походтарга сырыттылар.
Оҕолор мантан күһүн тымныйыар диэри салгыҥҥа үгүстүк сылдьыахтара. Нэһилиэккэ баар ытык сирдэри анаммыт кылаастар кылбаарыччы ыраастыахтара. Көмүс күһүнү айар үлэлэригэр уустаан-ураннаан хоһуйуохтара, быыстапка арааһын тэрийиэхтэрэ.
Валентина Кривошапкина,
Харбалаах, Таатта