Үөһээ Бүлүү улууһугар XV өрөспүүбүлүкэтээҕи Олоҥхо ыһыаҕын тэрээһинин сүрүн үлэһиттэрэ, көмөлөһөөччүлэрэ волонтердар буолаллар. Кэнники сайдыылаах кэмҥэ волонтер араас хайысхата сүрдээҕин сайынна. Урукку кэмҥэ волонтердары бөх-сыыс хомуйааччылар диэн көрөр эбит буоллахтарына ол билигин отой атын үрдүк таһымҥа таҕыста. Билиҥҥи оҕолор үксүлэрэ волонтер, баһаатай буола сатыыллар ол билиҥҥи олохпут сүрүн ирдэбилэ буолла.
Ыытыллаары турар Олоҥхо ыһыаҕын тэрээһинин волонтердарыгар сыл устата үөрэтэр семинардар, араас тэрээһиннэр, интэриэһинэй көрсүһүүлэр тиһигин быспакка ыытылыннылар. Ол чэрчитинэн Бэс ыйын 11-12 күннэригэр “Тускул” оҕо киинигэр волонтердары үөрэтии улахан семинара ыытылла турар. Манна Саха республикатын добровольчества ресурснай киинин салайааччыта, элбэх улахан тэрээһиннэргэ опыттаах үлэһит –Айыллаан Васильевич Винокуров кэлэн волонтердарга үөрэтии ыытта.
Ону таһынан, Бүлүү куоратыттан ыччат уонна дьиэ кэргэн психологическай киинин психологтара, Үөһээ Бүлүү улууһун үөрэҕириитин профилактическай киинин психологтара Чыбыкова Валентина Петровна, Антонова Айталина Капитоновна бэйэ-бэйэлэрин билсиһиигэ, хамаандаҕа үлэлээһиҥҥэ психологическай трениннары олус интэриэһинэйдик ыыппыттара, Үөһээ Бүлүү улууһун киин балыыһатын медицинскай профилактика сиэстэрэтэ Тумусова Ольга Ивановна волонтердарга ыксаллаах быһыыга-майгыга бастакы көмөнү хайдах оҥорору, улахан тэрээһиҥҥэ араас омуктар кэлэллэринэн онно кыратык да буоллар омук тылын билэр наадатыгар омук тылын учуутала “Тускул” оҕо киинин “Лингвомир” куруһуогун салайааччыта Волкова Мария Егоровна уонна Волков Гаврил Иосифович үөрэх салалтатын профориентация отделын специалиһа, монголия, омук тылын хайысхатын специалиһа олус интэриэһинэйдик онтон да атын оонньуулар, тэрээһиннэр сыл устата ыытылынна. Быйылгы
Олоҥхо ыһыаҕар барыта 75 волонтер үлэлиэхтэрэ. Волонтердары сүрүннээн салайыахтара Саха өрөпүүбүлүкэтин добровольчества ресурснай киинин салайааччыта – Айыллаан Васильевич Винокуров, Саха өрөпүүбүлүкэтин добровольчества ресурснай киинин специалиһа Павлов Дьулусхан Михайлович. Үөһээ Бүлүүтээҕи ыччат киинин специалиһа, СР ыччат политикатын туйгуна Тимофеева Прасковья Анатольевна, СР уопсастыбаннай бириэмийэ “Суолдьут сулус” анал бэлиэ хаһаайката Николаева Алена Геннадиевна, СР ыччат политикатын туйгуна Ильина Саргылана Лукична. Волонтерга оҕолор босхо, бэйэлэрин ис санааларыттан күүс-көмө буоларга кыһаллыахтара. Бары биир санааннан улахан тэрээһин этэҥҥэ ааһарыгар хас биирдии волонтер оҕо сэмэй кылаатын киллэрэргэ, араас хайысханнан Бэс ыйын 13 күнүттэн көмөҕө үлэлии сылдьаллар, сэмэй кылааттарын киллэрсэллэр.
