Ааспыт үөрэх дьыла биhиэхэ олус кэрэтик саӄаламмыта. 2017 сылга нэhилиэкпитигэр икки улахан үбүлүөй тэриллэрэ былааннаммыта: оскуолабыт – 90 сааhын, төрөөбүт нэhилиэкпит – 125 сылын туолар кэрэ-бэлиэ сыла. Балаӄан ыйын 1 күнүгэр нэhилиэкпит Аӄа баhылыга Федоров Роман Кононович Билии күнүнэн эӄэрдэлээн туран 2016-2017 үөрэх сылыгар сэттэ бастыҥ үөрэнээччини дойдубут тэбэр сүрэӄэр Москваӄа күүлэйдэтэ ыытарын туhунан биллэрбитэ дохсун ытыс тыаhынан доӄуhуолламмыта.
Ыам ыйын 25 күнэ – бары оскуолаларга долгутуулаах күн – Тиhэх Чуораан күнэ. Биhиги оскуолабытыгар бу күн икки төгүл долгутуулаах буолбута. Ол курдук, Роман Кононович Юбилейдаах сыл бастыҥ үөрэнээччилэригэр: Васильева Аринаӄа (11 кылаас), АргуноваАйыынаӄа, Адамова Настяӄа (10 кылаастар), Федотова Василинаӄа (9 кылаас), Васильева Юлианаӄа, Васильев Марикка (8 кылаастар) уонна миэхэ (Колесова Дайаанаӄа 7 кылаас) Москва куоракка босхо баран-кэлэр путевканы туттарбыта. Мин наhаа үөрбүтүм уонна ээр-сэмээр барыахтаах күммүн ааӄан киирэн барбытым.
Атырдьахыйын 4 күнүгэр көтөр аалга олорон сэттэ күннээх айаҥҥа туруммуппут.
Барыта Дьикти… Кэрэ… Саҥа…
Москубаӄа бу күннэргэ олохсуйан олорбут «дьиэбит» Измайлово отель буолла. Элбэх мэндиэмэннээх, киэҥ-куоҥ, ыраас… олус минньигэс астаах отельбыт биhиэхэ кэрэ өйдөбүлү хаалларда.
Сэттэ күн көрүөх бэтэрээ өттүгэр элэстэнэн аастылар. Кремльгэ, Кыhыл болуоссакка, Норуот хаhаайыстыбатын ситиhиилэрин быыстапкататыгар, Останкино башняӄа, Третьяков галереятыгар, зоопаркаӄа, «Мореон» аквапаркаӄа, океанариумҥа о.д.а. элбэх кэрэ сирдэргэ сырыттыбыт, астына-дуоhуйа күүлэйдээтибит, сынньанныбыт.
Саамай сөбүлээбит сирдэрим: Кремль, Третьяков галереята, Кыhыл болуоссат.
Москуба куорат олус ыраас, чэбэрэбит, үүнээйилэрэ-сибэккилэрэ чэлгийэн күп-күөхтэр, араас дьэрэкээн өҥүнэн киэркэйэллэр.
Мин бу айантан олус элбэӄи биллим-көрдүм, өй-санаа өттүнэн эбилинним диэтэхпинэ сыыспатым буолуо.
Баай ис хоhоонноох айаҥҥа сылдьан элбэӄи билбиппэр-көрбүппэр Горнай улууhун Атамай нэhилиэгин Аӄа баhылыгар Федоров Роман Кононовичка, баhылык солбуйааччытыгар Васильева Ксения Михайловнаӄа, оскуолабыт директорыгар Ефремова Мотрена Николаевнаӄа махталбын биллэрэбин. Истиҥ махтал тылларын аныыбын биhигини салайан илдьэ сылдьыбыт учууталбытыгар Терентьева Марина Петровнаӄа. Кини сатабыллаах тэрийиитинэн биhиги умнуллубат сэттэ кэрэ күннэри атаардыбыт. Махтанабын – бииргэ сылдьыбыт доӄотторбор, чуолаан дьүөгэбэр Юлианаӄа.
Мин Москубаны олус сөбүлээтим, кырдьыга даӄаны Москуба – дойдубут тэбэр сүрэӄэ эбит диэн итэӄэйдим.
Колесова Дайаана
7 кылаас