Айсен Лугинов оҕо, ыччат сөбүлүүр артыыһа. Кини кыра эрдэҕиттэн олус талааннааҕын бары бэркэ диэн билэбит. “Наара суохтар” тыйаатыр устуудьуйатыгар дьарыктаммыта, араас таһымнаах бэстибээллэргэ кыттан ситиһиилэммитэ. Хас да сыл устата “Түннүк”, “Кырачаан” оҕолорго аналлаах биэриилэри ыыппыта.
2010 сыллаахха баҕа санаатынан салайтаран, Арктикатааҕы култуура уонна искусство институтугар үөрэнэ киирбитэ. Биэс сылынан бүтэрэн, билигин Саха тыйаатырыгар артыыһынан үлэлии-хамсыы сылдьар, киинэҕэ да оонньуур.
9 саастаах Айсен Дьокуускай куорат Опера уонна Балет тыйаатырын сыанатыгар П.Ойуунускай “Дьулуруйар Ньургун Боотур” олоҥхотуттан быһа тардыыны хайдах курдук туттан-хаптан, артыыстаан толорбутун көрүҥ.