«Таптаа төрөөбүт дойдугун, араҥаччылаа аар айылҕаҕын»
Күндү оҕолор уонна учууталлар! Экология сылынан биллэриллибит “Таптаа төрөөбүт дойдугун, араҥаччылаа аар айылҕаҕын” куонкуруспут балаҕан ыйын 10 күнүгэр түмүктэнэр. Онуоха диэри сорудахтары толоро сылдьыҥ, отчуоттуур альбомҥутун бэлэмнээҥ. Балаһыанньаны “Кэскил” тохсунньу 10 күнүнээҕи 1 №-гэр таһаарбыппыт. Ону ааҕан, кылааһынан (эбэтэр бөлөҕүнэн) кыттыҥ. Кыайбыттар “Сосновый бор” өрөспүүбүлүкэтээҕи кииҥҥэ сынньанар путевканан наҕараадаланыахтара. Онон кытаатыҥ, оҕо сааскыт умнуллубат түгэнин бэйэҕитигэр бэлэхтииргэ дьулуһуҥ.
Оттон бүгүн сайаапка биэрбит Үөһээ Бүлүү Ороһутун уонна Чурапчы Мугудайын оскуолаларын сонуннаах суруктарын бэчээттиибит. Эһиги эмиэ туох үлэни ыыта сылдьаргытын сырдатан, keskileene81@mail.ru аадырыска ыытыҥ. Күүтэбит!
ҮЛЭ бара турар
Экология сылын үөрүү- лээхтик аһар тэрээһин бэртээхэйдик буолбута. Алта көрүҥүнэн эстафета ыытыллыбыта.
“Чороон добра” диэн түһүмэххэ оҕолор дьиэлэриттэн мал аҕалбыттара. Ким төһө көмөнү оҥорбутунан очукуо ааҕыллыбыта. “Орнитологияҕа” көтөрдөр, чыычаахтар тустарынан биктэриинэҕэ кыттыбыттара.
“Логическая цепочка” диэн түһүмэххэ элбэх тылтан айылҕаҕа сыһыаннааҕы булан ылан, суолтатын быһааран биэрдилэр. “Эрудит” диэҥҥэ экологияҕа сыһыаннаах тургутугу аастылар. “Золотые россыпи помоек” түһүмэххэ быраҕыллыбыт батарейкалары дьиэлэриттэн хомуйан туттардылар. Эмиэ ким төһөнү аҕалбытынан баал эбилиннэ. “Лесные загадки”, аата да этэринии, тыа-ойуур, от-мас туһунан таабырыннары таайдылар.
Эстафета түмүгэ тахсыар диэри айылҕа тиэмэтигэр хаартыска, уруһуй быыстапката тардылынна. “Экологически чистый продукт” диэн санаанан салайтаран, остолобуойга суорат, алаадьы сиэтибит, отон утаҕын истибит.
Бу саас кырдьаҕастарга хаардарын ыраастаатыбыт, Оҥхой нэһилиэгэр уолаттар куйуурдаатылар. Көтөр күнүгэр чыычаахтарга уйа оҥорон ыйаатыбыт. Биология учууталынан үлэлээбит Петр Тобуруокапка аналлаах ааҕыыга кытынныбыт.
Ыам ыйыгар Экология сылыгар анаммыт туризм улуустааҕы күрэҕэр үһүс миэстэ буоллубут.
Норуот педагогикатын мусуойун тэрийбит К.С. Чиряев төрөөбүтэ 90 сылыгар анаммыт кылаас чааһыгар «Түмүктээх айан» диэн экспедициябытын кэпсээтибит.
Өрөбөлүүссүйэ 100 сылынан «По кровавым следам белогвардейцев» диэн бырайыакпытынан Бүлүү улууһун Кыадаҥдатыгар уонна Үөһээ Бүлүү улууһун Балаҕаннааҕар баран кэллибит.
Күннэй БОРИСОВА,
Алена ЗАХАРОВА,
Валя МАЛАХАЕВА,
VII кылаас.
Ороһу, Үөһээ Бүлүү.