Аҕам саастаахтар күннэрин декадаларын көрсө Ороһу нэһилиэгэр Дмитрий Егорович Иванов-Артыыс Миитэрэй аатынан норуот тыйаатырын иһинэн үлэлиир «Доҕордуулар» оҕо тыйаатыра үлэтин саҕалаата.
Тыйаатыр режиссера Розалия Леонидовна Акимова эбэлэр, эһэлэр дьоро күннэригэр анаан «Тиис ылар балыыһа», «Килиэп уочаратыгар» диэн тэттик сыанкалары бэлэмнээбитин көрдөрөн, бырааһынньыкка кэлбит дьону күллэртээтибит.
2026-27 үөрэх сылыгар «Доҕордуулар» оҕо тыйаатыра тэриллибитэ 5 сылын туолар. Инники былааннарбытыгар киирэр: нэһилиэкпит 125 сылыгар анаан норуот суруйааччыта Дмитрий Федосеевич Наумов сценарийынан туруохтаах «Ороһу-Нэгэдьээк» алаастары уунан нүөлсүтэр систиэмэтигэр анаан «Уу-быйаҥ төрдө» диэн улахан испэктээкилигэр, «Оллоонноон олорон остуоруйалаһыах» бырайыакка кыттардыы былааннана сылдьабыт. Ону таһынан нэһилиэк тэрээһиннэригэр тэттик сыанкаларга кыттыахпыт.
Тыйаатырга дьарыктанарбытын сөбүлүүбүт.
Авелия Кириллина, 6 кылаас, «Тымтык» эдкорпост, Ороһу, Үөһээ Бүлүү
Кэскил14.ру