Бүгүн, биһиги оскуолабытыгар ыытыллыбыт, «Дьиэ кэргэн уонна оскуола — оҕо туһугар бииргэ» диэн төрөппүт уопсай мунньаҕар сырыттыбыт.
Быйылгы үөрэх сылыгар оскуолабытыгар 122 оҕо үөрэнэрин уонна уларыйыылар тустарынан директорбыт Тихон Александрович Егоров билиһиннэрдэ. Онтон үөрэх чааһыгар директоры солбуйааччы Альберт Вадимович
ОГЭ-ҕэ уонна ЕГЭ-ҕэ бэлэмнэнии, ирдэбиллэр тустарынан сиһилии кэпсээтэ. Соцпедагог А.Н. Федорова оскуола социальный паспорын билиһиннэрдэ, психолог А.И.Санникова төрөппүттэргэ, учууталларга «Пять имен» тренинг ыытта.
Мунньахха оҕо үөрэх кэмигэр төлөпүөҥҥэ аралдьыйыа суохтааҕа, төрөппүт оҕо төлөпүөнүн наада буоллаҕына хаһан баҕарар ылан көрөр бырааптааҕа этилиннэ.
«Кустук» оҕо тэрилтэтин салайааччыта Н.М. Степанова оскуолабыт «Школьный дозор» быыһыыр этэрээтэ Хабаровскайга уокуруктааҕы күрэхтэһиигэ кыттан кэлбитин туһунан кэпсээтэ. Маны таһынан төрөппүттэр » Профилактика преступности среди несовершеннолетних» онлайн-конференцияҕа кытыннылар.
Төрөппүт мунньаҕа диэн оскуола үлэһиттэрэ дьиэ кэргэни кытта көрсөн, оҕону иитии, үөрэтии боппуруостарыгар сүбэлэһэр, кэпсэтэр түмсүүлэрэ диэн өйдөөтүбүт.
Айыына Петрова суруйуута, 10 кылаас,
Карина Новгородова хаартыскаҕа түһэриитэ, 6 кылаас, » Эрчим» медиакиин, Дүллүкү, Үөһээ Бүлүү