Алтынньы 1 күнүгэр Аан дойдутааҕы Аҕам саастаахтар күннэрин бэлиэтиибит. Бу күн 1990 сыллаахха ООН Ассамблеятынан ылыныллыбыта. Аҕам саастаахтар күннэрэ убаастабыллаах сыһыаҥҥа, бэйэ-бэйэҕэ харыстабыллаах буоларга үөрэтэр.
Бу күн аҕам саастаахтарбытыгар махтал тылларын этэрбитин умнумуоххайыҥ. Кинилэр уҕараабат уопуттара, билиилэрэ-көрүүлэрэ хас биирдии дьиэ кэргэн, киһи историятыгар иҥэр, биир суолталаах өрүт буолар. Биһиги кинилэртэн элбэххэ үөрэнэбит, олоххо тулуурдаах уонна дьулуурдаах буоларга талаһабыт.
Аҕам саастаах дьон норуот өйүн-санаатын, култууратын, үгэстэрин илдьэ сылдьар кэрэһиттэр буолаллар. Кинилэр баар буолан ол барыта көлүөнэттэн көлүөнэҕэ, кэлэр кэскилгэ бэриллэ, тарҕана турдаҕа.
Биһиги олохпутугар аҕам саастаах дьоннорбут оруолларын умнубакка, кинилэри харыстыы сылдьыаххайыҥ!
Күндү эбэлэрбит, эһэлэрбит, төрөппүттэрбит! Чэгиэн туруктаах, элбэх дьонноох-сэргэлээх, үөрүүлээх күннэрдээх уонна дьоллоох буолуҥ!
Кэскил14.ру