От ыйын 8 күнүгэр «Айыы Кыһата» национальнай гимназия тиэргэнигэр, хотугу ытык хайа хайысхатыгар — Ийэ кут, уу иччитэ уйаланар ытык миэстэтэ фонтан арыллыыта буолла.
Айыы туонатын түөрт хайысхатынан харысхал, туом ыытар Ытык бэлиэлэр турдулар. Саха омук дириҥ өйдөбүллэрин, сэһэнин, айыы санаа ситимин күннээҕи олоххо тирэх оҥостон туттарбытыгар ытык киһибит Анатолий Николаевич Павлов-Дабыл Айыы Кыһатын «Олохсун» тосхолугар киллэрбитигэр махтанабыт. Бу туһунан Анатолий Николаевич соторутааҕыта Күн сирин көрбүт «Айыы санаа кыһата» диэн кинигэтигэр сырдатта.
Ыра санаабытын талааннаах скульптор, норуот маастара төрөппүппүт Илиан Иванович Павлов олоххо оҥорон киллэрдэ.
Дьиэ кэргэн күнүгэр арыллыбыт көҕүөр оһуордаах кэрэ фонтаммыт дьоҥҥо сырдык санааны сайа, үйэлээҕи үөскэтэ, кэскили кэҥэтэ арчылыы-араҥаччылыы, алгыстаах аартыктарбытын арыйа турдун!
Махтанабыт төрөппүттэрбитигэр Петр Борисович уонна Аида Юрьевна Неустроевтарга, күүс-көмө буолбуттарыгар. Бигэ туругу, дьолу- соргуну баҕарабыт!
Источник: Госпаблик МОБУ НГ «Айыы Кыьата» город Якутск