Гражданскай сэрии Дьоруойа Кеша Алексеев аатын сүгэр Хаптаҕай орто агрооскуолатын делегацията Санкт-Петербург куоракка Бүтүн Россиятааҕы Макаренковскай форумҥа кыттан кэллибит.
Делегация састаабыгар Кривошапкина Мария Николаевна, Слепцов Иннокентий Васильевич, Стручкова Сардана Семеновна, үөрэнээччилэр Зыков Вова, Блинов Ильдар, Адамова Айталыына сырыттылар.
Форумҥа кыттар сүрүн тиэмэбит – үлэнэн иитии, агрошкола үлэтин хайысхаларын сырдатыы, үбүн-харчытын кэпсээтибит. Биир сүрүн хайысхабыт — оҕуруот аһын сиэмэтин бэйэбит таһаарыыбыт уонна гидропоннай теплица үлэтэ.
Вова Зыков «Слава» хаппыыста сиэмэтин, Айталыына Адамова дьэдьэн сиэмэтин ылыыны, Илдьар Блинов гидропоннай систиэмэ үлэтин, кыһыннары буора суох биодобавкаларынан оҕуруот аһын хайдах үүннэриини сиһилии кэпсээтэ. Хамыыһыйа тыйыс услуобуйалаах Саха сиригэр агрооскуола үлэтин, ситиһиитин туһунан сэргээтэ.
Маны таһынан элбэх экскурсияҕа сырыттыбыт. Ол курдук, Эрмитажка, Зимний дыбарыаһы көрдүбүт уонна да атын музейдарга сырыттыбыт. Уонна Санкт-Петербург биир саамай улахан оскуолатыгар сылдьан элбэҕи көрөн сөхтүбүт. Оскуола уон икки араас лаборатиялаах, онно араас научнай чинчийиилэри ДНК-ҕа тиийэ оҥороллор эбит, күүскэ науканан дьарыктанар оскуола буоларын илэ харахпытынан көрдүбүт.
Бу улахан Бүтүн Арассыыйатааҕы форумҥа дойдубут араас муннугуттан барыта 25 оскуола, ол иһигэр Саха сириттэн тоҕус оскуола кыттыбытыттан, биһиги оскуолабыт иккис миэстэ ылары ситистэ. 1 миэстэ — Тыва, иккиһи — биһиги, үһүс миэстэҕэ Калининград оскуолата тигистэ.
Олус интэриэһинэй, туһалаах форумҥа кыттан, ситиһиилэнэн кэлэн үөрүүбүт үрдүк.
Айталыына Адамова, «Кустук» медиа-устуудьуйа эдкора, Хаптаҕай орто оскуолатын 8 кылааһын үөрэнээччитэ.
Кэскил14.ру