Тохсунньу 26 күнүттэн олунньу 1 күнүгэр диэри «Сосновый бор» оҕо чэбдигирэр, сынньанар киинигэр «Мы единство – биир сомоҕо» диэн смена буола турар. Манна Сахабыт Сирин араас муннуктарыттан эдэр кэрэспэдьиэннэр кэлэн үлэлии сылдьабыт. Сменаҕа хаһыс да сылын медианан дьарыктанар, ситиһиилээхтик үлэлиир оҕолор медиа эйгэтигэр саҥа дьарыктанар оҕолорго бэйэлэрин опыттарыттан сүбэлииллэр-амалыыллар. Уопсайа 9 хамаанда баар. Хас биирдии хамаанда бэйэтэ туспа сыаллаах-соруктаах. 2026 сыл Арассыыйаҕа Норуоттар доҕордоһууларын сылынан бигэргэтиллибитэ. Онон сибээстээн, хамаандалар сомоҕолоһуу, Арассыыйаҕа олорор норуоттар тиэмэлэригэр сыһыаннаах видео устан таһаарыахтаахтар. Биһиги хамаандалары кытта кэпситтибит.Оҕолор сменаҕа туох оруолу толороллорун, ханнык тиэмэҕэ видео усталларын, смена хайдах ааһан иһэрин, туох саҥаны билбиттэрин-көрбүттэрин ыйыталастыбыт.
Эппиэтинэс икки бүк улаатар
—Готовцева Снежана, Танда, Уус Алдан, 6-с хамаанда:
Мин 4 дьоруойдаах Байаҕантай нэһилэгиттэн сылдьабын, 6 хамаанда наставнига буолабын. Хамаандабын барытын түмэбин, оҕолорбун көрөбүн-истэбин. Медианан 4-с сылбын дьарыктанабын. Опыттаах киһи буоларым быһыытынан бэйэм опыппытттан, сатабылларбыттан оҕолорбор үллэстэбин.6-с хамаандалар икки бөлөххө арахсан үлэлии сылдьабыт. Мин иккис бөлөх наставнига буолабын. Биһиги тиэмэбит — таджиктар пловтара. Таджиктар пловтарын туһунан олус элбэҕи биллим. Плов буһарыытыгар 400-тэн тахса рецепт арааһа баар эбит. Бу бүлүүдэни ыал ыал араастык буһарар. Биһиги Таджикистан олохтооҕуттан интервью ылбыппыт. Киниттэн бу бүлүүдэни ханна боруобалыахпытын сөбүн ыйыппыппыт. Туймаада ыһыаҕар таджиктар буһаралларын, онно амсайан көрүөхпүтүн бэлиэтээн эппитэ. Сменаҕа элбэх да элбэх доҕоттордоннум, минньигэстик аһаатым. Араас талааннаах оҕолор баар эбитттэр. Наставник оҥорбуттарыттан олус үөрэбин, долгуйабын. Тоҕо диэтэр, эппиэтинэс икки бүк улаатар. Бу сменаттан саамай кэтэһэрим – ситиһии.
Нэдиэлэ түргэнник да ааста
Степанова Валерия ,Чурапчы, 6-с хамаанда:
— Монтажербун уонна хамаандабар информацияны буларга көмөлөһөбүн. Бу сменаҕа биһиги тиэмэбит Таджиктар пловтара уонна Кыргызстаҥҥа оҕо төрүүрүгэр үгэстэр. Биһиги хамаандабытыбыгар мин Кыргызстаҥҥа оҕо төрүүр кэмигэр үгэстэр диэн тиэмэҕэ үлэлэһэбин. Үлэбитигэр информация көрдөөммүт араас, элбэх, саҥа үгэстэри биллибит. Оҕо төрөөбүтүн 40 күн аастаҕына улахан бырааһынньык тэрийэллэр уонна барыларын ыҥыраллар эбит. Сменаҕа оҕолору кытта үлэлииргэ үөрэнним. Бу смена үчүгэйдик, түргэнник да ааста, 1 эрэ нэдиэлэ буоларыттан олус хомойдум.
Гоголева Сайаана, Чурапчы улууһа, 3 хамаанда:
-Мин Бахсы нэһилиэгиттэн сылдьабын. Бу медиа сменаҕа куонкуруска кыттан кэлбитим уонна манна видеоролик хамаанданан арахсан уһула сылдьабыт. Биһиги бу хамаанданан арахсан Габдулла Тукай диэн Татаар суруйааччытын туһунан оҥоро сылдьабыт. Мин суруналыыстыка уонна монтаж туһунан элбэҕи биллим. Смена олус үчүгэйдик ааһан иһэр.
Номох туһунан видео устабыт
— Сивцева Кэскилээнэ, Чурапчы, 7-с хамаанда:
— Бу сменаҕа текстовик оруолун оҥоробун. Биһиэхэ 2 тиэмэ түбэспитэ. Бастакыбыт, Айк уонна Бэл туһунан номох. Иккиспит — Салават Юлаев. Бу тиэмэттэн мин Айк уонна Бэл туһунан видеоҕа үлэлэһэ сылдьабын. Айк үчүгэй киһи эбит, онтон Бэл дьону-сэргэни баттаан олорбут куһаҕан киһи эбит. Айк кини утары турбут. Өрүү буоларыныы бу номоххо үтүө өрөгөйдүүр. Айк Бэлы кыайан, Айастаан диэн дойду үөскээбит (билиҥҥи Армения). Бу сменаҕа мин элбэх оҕолору кытта билистим уонна маастар-кылаастарга хайдах ыстатыйа суруйарга, интервью ыларга үөрэнним.
Араас улуустартан кэлбит оҕолор сомоҕолоһон, бэйэ бэйэбитин кытта доҕордостубут.
Копырина Айыына, Уус Алдан, 4-с хамаанда: Лөгөй лиссиэйин үөрэнээччитэбин. Бу сменаҕа мин сценарист быһыытынан кэлбитим, сценарий суруйабын уонна хамаандаҕа идея биэрэбин. Бу сменаҕа биһиги хамаанда нуучча норуотун остуоруйатын, сомоҕолоһуу туһунан көрдөрөбүт. Бу сменаҕа мин элбэх оҕолору кытта билистим уонна медиа өттүнэн сайынным. Сменам наһаа үчүгэйдик ааһан иһэр, оҕолор бары үчүгэй баҕайылар уонна бэйэм темам курдук, араас улуустартан кэлбит оҕолор сомоҕолоһон, бэйэ бэйэбитин кытта доҕордостубут.
Дьиэлиэхпин олох баҕарбаппын.
Степанов Вова, Ньурба, 2-с хамаанда: — Ньурбатааҕы техническэй лицей 6 кылааһын үөрэнээччитэбин. Биһиги хамаандабыт тиэмэтэ Казах норуотун сыбаайбата. Онно мин кэргэн ылар киһи (жених) оруолун толоробун. Мин бу тиэмэни олус интэриэһиргээтим, араас үгэстэри биллим.. Сменам бириэмэтэ наһаа үчүгэйдик ааһан иһэр, дьиэлиэхпин олох баҕарбаппын. Үчүгэй баҕайы оҕолор бааллар, доҕордостум, дэлби оонньоотум.
Оттон биһиги 8 хамаанда буолабыт. Биһиги темабыт – Ингуш норуотун үҥкүүтэ — Халхар. Бу уоллаах кыыс үҥкүүлэрэ эбит. Ингуш норуотун культуратыгар дириҥ суолталааҕын биллим. Хамаандаҕа баар уолбун кытта бу үҥкүүнү үҥкүүлээн да көрдүбүт, информацияны бөҕөнү хастыбыт. Бу ураты үҥкүү олус элбэх быраабылалаах эбит. Норуот үгэһэ, майгыта барыта түмүллэ сылдьар. Бу сменаҕа мин текстовикпын, видеоҕа уһуллабын уонна хамаандабар көмөлөһөбүн информация буларга. Бу смена олус үчүгэй, элбэх умуллубат түгэннэри бэлэхтээтэ. Оҕолору кытта билсэн, күн аайы үөрэ-көтө сылдьабын.
Бу сменаҕа ураты сүүрээн киирдэ. Ол курдук, худуоһунньуктар хамаандалара диэн туспа бөлөх үлэлиир. Кинилэр «Бэлэм буол» сурунаалга анаан Д.К.Сивцев-Суорун Омоллоон «Бэйэтэ эмтиэкэ» айымньытынан комикс уруһуйдууллар.
Лилия Маркова, 1-кы хамаанда, Чурапчы:
— «Мичээр» медиакиин юнкора буолабын. Мин комикс оҥорорго расскладовщик үлэтин оҥоробун. Ол аата сценарийы ойуулаан көрдөрүү, хас биирдии сцена хайдах көрүҥнээх буолуохтааҕын, эскизтары эбэтэр сиһилии ойуулаан көрдөрүү буолар.Мин хаһан да комикс игин оҥоруутугар дьарыктамматаҕым. Оскуола улуус иһинэн уруһуй куонкурстарыгар кыттааччым. Комикс оҥорор олус интириэһинэй эбит. Өссө да манан дьарыктаныам. Бэйэм иллэҥ кэммэр комикстары, манголары ааҕааччым.
Бу курдук, хас биирдии хамаанда тиритэ-хорута үлэлэрин бэлэмнииллэр. Сарсын, тохсунньу 31 күнүгэр, үлэлэрин экспердэр иннилэригэр кэпсиэхтэрэ. Барыларыгар ситиһиини баҕарабын.
Айыына Петрова, Аня Аянитова, 8-с хамаанда оҕолоро, «Кэскил» медиа смена юнкордара.