Тыйыс айылҕалаах Саха сиригэр тыа сирин, тыа хаһаайыстыбатын сайыннарыы, дохуот оҥорорго сүөһү-сылгы ииттэн, бэйэ оҥорон таһаарыытын тэрийии билиҥҥи кэмҥэ биир саамай бигэтик сайдар, табыгастаах дьарык буолар.
Биһиги дьиэ кэргэн аҕа баһылыга Семен Семенович Хоютанов сөптөөх суолга тирэнэн, билиҥҥи кэмҥэ сөп түбэһиннэрэн өбүгэттэн илдьэ кэлбит сүрүн дьарыкпытын үлэни өрө тутан олоробут.
Ол курдук, сыспай сиэллээҕи, хороҕор муостааҕы иитэн үүт туттаран, эт-ас тэринэн, үлэлии-хамсыы сылдьабыт. Самаан сайын куйаастарыгар от оттоон, тоҕус ыйдаах томороон тымныытын билбэккэ көрөбүт-истэбит аһатабыт. Манан эрэ муҥурдаммакка, дьиэ көтөрдөрүттэн куурусса, хаас иитэн аспытын дэлэтэбит. Сайынын кууруссалар бэйэлэрэ сымыыт баттаан, чоппуускалары көрөбүт. Быйыл сайын эмиэ хаастарбыт сымыыт баттыыллары эрэнэ күүтэбит. Дэлэтэргэ бэлэммит.
Саха сиригэр мүөтү оҥорон таһаарар туһалааҕын өйдөөн, сайын аайы тигээйилэри иитэн мүөт оҥоробут, атыыга туруорабыт. Ханнык баҕарар көрүү-истии үлэни эрэйэр. Ол курдук, хас биирдии дьиэ кыылын иитиигэ аҕабытыгар, биһиги илии-атах буолан, көмөлөһөбүт. Ынах ыан, ньирэй аһатан, от оттоон, ас астаан ханнык да үлэттэн толлон турбаппыт. Бары бииргэ үлэлээтэхпитинэ, биһиги хаһаайыстыбабыт сайдарын өйдүүбүт.
Хоютанова Нелли,
Г.Д.Бястинов-Бэс Дьарааһын аатынан Чымынаайы 9 кыл үөрэнээччитэ, Таатта улууһа.
keskil14.ru