А.Е. Кулаковскай — Өксөкүлээх Өлөксөй «Оттоку олук алгыһа» айымньытыгар сыанабыл
«Оттоку олук алгыһа» диэн айымньы бу биһиги күммүтүгэр суолтата ордук күүһүрбүт, сытыырхайбыт. Улуу суруйааччыбыт Өксөкүлээх Өлөксөй кэриэс-хомуруос тылларын иҥэриммит кини биир боччумнаах айымньыта буолар. А.Е. Кулаковскай — Өксөкүлээх Өлөксөй айар үлэтин чыпчаалынан кини 1910 сыллаахха суруйбут «Ойуун түүлэ» диэн философскай ис хоһоонноох поэмата буолар. «Оттоку олук алгыһа» айымньытын 1912 сыллаахха суруйбута, бу айымньыга кэлэн иһээччи дьон, үтүө үөрэхтэрин, билиилэрин, култуураларын баһылаан, кинилэри кытта тэҥҥэ, биир таһымҥа хаамсар дьон буолуоҕуҥ диэн “Ойуун түүлэ” поэматыгар эппит санаатын өссө чиҥэтэн биэрэр. Бу айымньы биһиги күммүтүгэр суолтата ордук күүстээх. Суруйааччы үрдүк өйүнэн, үтүө сүрэҕинэн айманан-долгуйан туран, төрөөбүт норуота кэлэр кэнэҕэски кэмнэргэ, хайдах дьаһанан сырыттаҕына, үтүө киһи буолуохтааҕын туһунан, бу алгыһыгар барыта баар. Ити аата биһиги Сахабыт сиригэр Өксөкүлээх Өлөксөй эппитинии, кэлиҥҥи кэмҥэ сүрдээх элбэх кэлии дьон баар буолан эрэллэр, ону биһиги кинилэри кытта тэҥҥэ аахсар, өйдөһөр дьон буолуохтаахпыт.
Алина СИВЦЕВА, IX кылаас, Чуурукта» юнкорпост
Н.М. Заболоцкай аатынан Томтор орто оскуолата,
Өймөкөөн