Алтынньы 9 күнүгэр ыраах сытар Кустуур орто оскуолатыгар Юнармия дьиэтин аһаҕас аанын күнэ бэрт тэрээһиннээхтик ааста. Биһиги оскуолабыт Юнармия дьиэтин статуһун балаҕан ыйын 24 күнүгэр 2024 сыллаахха ылбыта. Анал байыаннай дьайыы кыттыылааҕын, биир дойдулаахпыт Иван Семёнович Горохов аатын сүгэр.
Ол курдук, маҥнай ыалдьыттары кэлбиттэрин бигэргэтэн испииһэккэ киллэрдилэр уонна Юнармия үлэтин туһунан сырдатар буклеты кэлбит дьоҥҥо барыларыгар түҥэттилэр. Сүрүн чааһыгар Юнармия кэккэтигэр саҥа үөрэнээччилэри киллэрии буолла. Онтон ОБЗР учуутала салалталаах Цецен Бембеевич Гаряев 11 кылаас үөрэнээччитинээн Стас Поповтуун маастар-кылаас көрдөрдө. Автоматы бириэмэҕэ түргэнник хомуйдулар. Ценен Бембеевич кэлбит ыалдьыттарга Юнармия туһунан кэпсээтэ, кэккэ боппуруостарга хоруйдаата. Юнармия чилиэннэрэ хааман көрдөрдүлэр. Маны таһынан Юнармия туттар экспонаттарын уонна историятын көрүүгэ туруордулар.
Аан маҥнай 2018 сыллаахтан Юнармия хамсааһын кэккэтигэр үөрэнээччилэри киллэриии саҕаламмыта. Үөрүүлээх линейкаҕа мэктиэ тыл этилиннэ, маршировкалаан, хамаанданан күрэхтэһэн оонньоотулар.
Өссө да инникитин Юнармия кэккэтигэр баҕалаах оҕолор киириэхтэрэ диэн эрэнэбит.
Стас Попов, Кустуур орто оскуолатын 8 кыл. үөрэнээччитэ, «Биракчаан» медиа-киин эдкора.
keskil14.ru