Судаарыстыбаннас күнүгэр түбэһиннэрэн, 2026 сылга Бөтүҥ сельсоветын исполкомун бэрэссэдээтэлинэн 32 сыл устата үлэлээбит, Социалистическай Үлэ Геройа Васильева Анна Михайловна–Сэбиэт Аана төрөөбүтэ 110 сылын көрсө бастакы тэрээһиннэр саҕаланнылар.
Социалистическай үлэ Дьоруойа А.М. Васильева-Сэбиэт Аанааатын сүгэр түмэлгэ сыһыарыллыбыт аһаҕас бэсиэдкэ үөрүүлээх быһыыга-майгыга арылынна. Бу аһаҕас түмэл оскуола эр хоһуун үлэһиттэрин күүһүнэн тутуллан үлэҕэ киирдэ.
Түмэлгэ кэрэни кэрэхсиир, өбүгэлэрбит олохторун-дьаһахтарын көрдөрөр-иһитиннэрэр быыстапкалар, үөрэх эйгэтигэр сыһыаннаах тэрээһиннэр, араас маастар-кылаастар ыытыллыахтара. Манан сиэттэрэн, арыллыы кэнниттэн бастакы түмэл уруоктара буоллулар.
Түмэлгэ нэһилиэк олохтоохторуттан саҥа экспонаттар бэлэх быһыытанан киирэн, быыстапкаҕа турдулар. Оҕолор олус сэргээн көрдүлэр, иһиттилэр. Ордук суоруна тааһы болҕойон иһиттилэр, боппуруос биэрдилэр. Тирии имитэр мас талкыны тутан-хабан көрдүлэр. Түмэл салайааччыта, история учуутала Егор Никифоров аһаҕас уруоктары орто сүһүөх оҕолорго ыытта, быыстапканы билиһиннэрдэ.
Юрьяна Гурьева, «Сайдам» медиа киин чилиэнэ, VIII кылаас үөрэнээччитэ, Бөтүҥ, Амма.
keskil14.ru