«Хадаар түһүлгэтэ» мас тардыһыы оҕолорго өрөспүүбүлүкэтээҕи күрэхтэһии түмүктэннэ. Өрөспүүбүлүкэбит араас муннугуттан күрэхтэһии спонсордара ыалдьыттаан аастылар. Кинилэр мас тардыһыы туһугар ыалдьар, спорду сэҥээрэр, араас эйгэ үлэһиттэрэ буолаллар.
Халыҥ Хадаар сиригэр быйыл үһүс төгүлүн ыытыллыбыт күрэхпит спонсордара кимнээҕий? Нэһилиэкпит дьаһалтата (баһылык А.А. Степанов), Уорҕатааҕы оскуола-саад (дириэктэр М.С. Копылов), Уорҕатааҕы ОДьКХ үлэһиттэрэ, «Тускул» норуот айымньытын дьиэтэ (дириэктэр Н.Н. Дьячковскай), олохтоох «Мичил» оҕо саада (сэбиэдиссэй М.А. Гаврильева), олохтоох бааһынай хаһаайыстыба үлэһиттэрэ, ИП-лар, С. А. Новгородов аатынан Чурапчы орто оскуолата, гимназия коллектива, улуустааҕы үөрэх салаата, спорт уонна култуура салаата, Дьокууксай куоракка олорор биир дойдулаахтарбыт «Хадаар түмсүүтэ», биир дойдулаахпыт, ООО «Прогресс» тутуу тэрилтэтин салайааччыта А.С. Пинигин, Чурапчыга олорор биир дойдулаахтарбыт, анал байыаннай дьайыылар бэтэрээнэ Ю.В. Бандеров, биһиги оскуолабытыгар дириэктэринэн үлэлээбит А.Н. Филиппов, Уорҕаттан И.Д. Дьячковский-Лэгиэн Баанньа, тренербит Л.Н. Николаев бииргэ үөрэммит доҕотторо, үөрэппит ыччаттара, Чурапчы улууһун мас тардыһааччылара, маны таһынан, «Хадаар түһүлгэтин» муҥутуур кыайыылаахтарын бирииһин спонсордара Т.М. Каженкин аатынан Арыылаах орто оскуолатын дириэктэрэ Е.Г. Егоров уонна В.С. Яковлев-Далан аатынан Кытаанах орто оскуолатын дириэктэрэ И.И. Коркин.
Кыайбыт-хоппут, бириистээх миэстэҕэ тиксибит Саха сирин эдэр мадьынылар добуоччу бириистээх үөрэн-көтөн тарҕастылар.
Бары спонсордарбытыгар улахан махталбытын биллэрэбит.
Айна БАНДЕРОВА, VII кылаас,
С. Д. Флегонтов аатынан Хадаар орто оскуолата, Чурапчы